Týrıstik nysandarǵa qaraı 2 myń shaqyrymǵa jýyq avtojol jóndeledi - QazAvtoJol

<p>ASTANA. KAZINFORM - &laquo;QazAvtoJol&raquo; ulttyq kompanııasy otandyq týrızmdi damytý úshin elimizdiń týrıstik nysandaryna baratyn avtomobıl joldaryn jańartý boıynsha jumystardy bastady.</p>

Kompanııanyń baspasóz qyzmetiniń habarlaýynsha, eki jyldyń ishinde demalys oryndary men kórneki jerlerge qaraı baratyn 2 myń shaqyrymǵa jýyq jol jóndeýden ótedi.

Aqmola oblysynda «Astana-Qorǵaljyn» jolynyń 19-58 shaqyrymy aralyǵynda orta jóndeý jumystary ótedi. Bul jol «ALJIR» memorıaldy-murajaı kesheni men «Qorǵaljyn» memlekettik tabıǵı qoryǵyna barady.

Al Almaty oblysynda «Kókpek-Kegen-Túp-Jalańash-Saty-Kólsaı kóline baratyn jol» avtojolynyń 3-24 shaqyrymy, «Kókpek-Kegen-Túp» jolynyń 26-41, 68-88 shaqyrymy aralyǵynda orta jóndeý jumystary júrgiziletin bolady. Bul baǵyt boıynsha «Kólsaı» ulttyq parkine jáne Qaıyńdy, Kólsaı kólderine barýǵa bolady.
Sonymen qatar, «Saryózek-Kóktal» avtojolynyń 0-45, 110-141, 142-178 shaqyrymy jóndelip, «Altynemel» ulttyq parkindegi «Aıǵaı qumǵa» baratyn joldyń jaǵdaıy jaqsarmaq.

Shyǵys Qazaqstanda «Óskemen-Altaı-Rahman qaınary» tasjolynyń 0-45, 110-140, 151-186, 199-203, 205-207, 211-214, 366-399 shaqyrymy aralyǵyndaǵy jol ýchaskesi jóndeledi. Sondaı-aq, 4 kópir kúrdeli jóndeýden ótedi. Katonqaraǵaı aýdanynda «Katonqaraǵaı» ulttyq parki jáne «Rahman qaınary» shıpajaıy bar.

Jetisý oblysynda Alakól kóli men «Alakól» qoryǵyna baratyn «Úsharal-Dostyq» jolynyń 0-2,9 shaqyrymy aralyǵyndaǵy jol ýchaskesi jóndeledi.

Batys Qazaqstan oblysynda Jáńgir hannyń rezıdentsııasyna aparatyn «Han Ordasy aýylyna kireberis» avtojolynyń 0-21 shaqyrymy aralyǵynda jóndeý jumystary bastalyp ketti.

Qaraǵandy oblysy boıynsha týrısterge «Qarqaraly» ulttyq parkine barý úshin «Qaraǵandy-Aıagóz-Tarbaǵataı-Boǵaz» jolynyń 17-60, 60-102, 130-163, 175-185, 207-217, 249-265 shaqyrymy aralyǵyndaǵy jol ýchaskesi jóndeledi.

Pavlodar oblysynda «Qalqaman-Baıanaýyl-Úmitker-Ýlıanovsk» tas jolynyń 100-105 shaqyrymy kúrdeli jóndeýden, al 82-91, 94-99, 221-231 shaqyrymy orta jóndeýden ótedi. Bul baǵytta «Baıanaýyl» ulttyq parki bar.

Túrkistan oblysy boıynsha «Samara-Shymkent» jolynyń 2186-2216 shaqyrymy orta jóndeýden, 2056 shaqyrymdaǵy aınalma joly kúrdeli jóndeýden ótpek. Bul baǵytta Saýran qalashyǵy bar.