Týrıstik joldama quny qalaı qaıtarylady – mınıstrlik jaýaby

NUR-SULTAN. QazAqparat – QR Mádenıet jáne sport mınıstrligi týrızm ındýstrııasy komıtetiniń tóraǵasynyń mindetin atqarýshy Dastan Ryspekov Týrıstik joldamalar boıynsha qarajattyń qalaı qaıtarylatyny týraly aıtyp berdi, dep habarlaıdy QazAqparat.

«Bizdiń azamattarymyzǵa osyndaı jaǵdaıǵa sabyrlylyq pen túsinistik tanytýdy suraımyn. Shynynda da, óte ózekti másele týyndap otyr. Biraq týrıstik operatorlar men týrıstik agenttikterge bir mezette qaptaǵan qońyraýlar túsetinin jáne bul aqshany birden qaıtara almaıtyndyǵyn atap ótkim keledi. Týrıstik qyzmet týraly zańnyń 15-babyna sáıkes, týroperatorlar naqty shyǵyndardy eseptemegende, joldama qarajatyn qaıtaratynyn aıtqym keledi», - dep atap ótti D. Ryspekov Ortalyq kommýnıkatsııalar qyzmetinde ótken onlaın brıfıngte.

Sonymen birge, spıker týroperatorlardyń sheteldik seriktesteri aldynda mindettemeleri bar ekenin eske saldy.

«ıAǵnı, ózderińiz biletindeı, bizdiń týrıstik operatorlarymyzdyń sheteldegi seriktesteri aldyndaǵy mindettemeleri bar, olar áýe reısteri men qonaqúıler úshin aldyn-ala tólem jasady. ıAǵnı, sheteldegi seriktestermen mundaı daýly máselelerdi sheshý úshin de biraz ýaqyt qajet», - dedi ol.

Eger týrıstik kompanııa týrıstik joldama qunyn qaıtarýdan bas tartsa, sotqa júginýge bolady. Biraq, ol úshin qarajatty qaıtarýdan bas tartýdy jazbasha túrde alǵan jón.

Aıta keteıik, 18 naýryzdaǵy jaǵdaı boıynsha shetelde týrıstik operatorlar arqyly demalyp jatqan qazaqstandyqtar sany 5 914 adamdy quraǵan. Olardy qaıtarý úshin 18 naýryzdan 23 naýryzǵa deıin 19 charterlik reıs josparlanǵan.