Týrısterdiń Jumbaqtasqa shyǵýyna tyıym salý kerek pe - mınıstr jaýap berdi

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev Býrabaıdaǵy Jumbaqtasqa shyǵýǵa tyıym salý bastamasyna qatysty pikir bildirdi, dep habarlaıdy QazAqparat tilshisi.

«Men mundaı usynysty qoldaı almaımyn. Sebebi bizdiń azamattardyń tabıǵatty tamashalaýǵa quqyǵy men múmkindigi bolýy kerek. Týrıster búkil el maqtanatyn jerdi kórý úshin alys-jaqynnan qanshama jol júrip keledi, sondyqtan bári ashyq bolýy tıis», - dedi Maǵzum Myrzaǵalıev OKQ-da ótken baspasóz máslıhatynda.

Áıtse de, mınıstr kóldiń jaı-kúıi men tabıǵı landshaftyna monıtorıng jasalýy kerektigin eskertti.

«Eger Kóbeıtuzdaǵydaı tabıǵatty qorlaý faktileri oryn alyp jatsa, onda álbette, biz oǵan tyıym salýymyz da múmkin. Sebebi tabıǵattyń baılyǵyn saqtap qalý kerek. Biz ol baılyqty saqtap qana qoımaı, urpaqqa qaldyrýymyz kerek», - dedi ol.