Týrıster mingen avtobýs apaty: júrgizýshi qamaýǵa alyndy

<p>QONAEV. KAZINFORM &ndash; Almaty oblysyndaǵy asýlardyń birinde týrıster mingen avtobýstyń aýdarylyp ketýine jol bergen júrgizýshi qamaýǵa alyndy.</p>

Almaty oblystyq polıtsııa departamentiniń málimetinshe, 27 mamyr kúni Yutong avtobýsynyń júrgizýshisi Kegen-Jalanash-Kólsaı avtojolynyń besinshi shaqyrymynda kele jatyp, rýldi basqara almaı, avtobýstyń aýdarylýyna jol berdi. 25 jolaýshyǵa medıtsınalyq kómek kórsetildi.

«Júrgizýshi kýáliginen aıyrylǵan kólik quralyn basqarǵany úshin avtobýs júrgizýshisi qamaýǵa alyndy. Sonymen birge, avtobýsty aıdaýǵa bergen jolaýshylardy tasymaldaýdy júzege asyratyn uıymnyń ıesine iri mólsherde aıyppul salynady»,- dep habarlady polıtsııadan.

Buǵan deıin Almaty oblysynda týrıster mingen avtobýs jol apatyna ushyraǵany týraly jazǵan edik.