Týrıster Іle Alataýyndaǵy jańadan ashylǵan keshendi qıratty

ALMATY. QazAqparat – Týrıster Іle Alataý ulttyq parkinde qaıta jóndelgennen keıin iske qosylǵan ystyq sý keshenin qıratty, dep habarlaıdy QazAqparat tilshisi.

«Mádenıetsiz adamdardyń mádenı demalysy... Jaqynda ystyq sý kesheni qaıta jańǵyrýdan soń ashylǵan bolatyn. Týrızm týraly qalaı sóz aıtýǵa bolady degen suraq týady. 2 aptanyń ishinde adamdar sonsha qarajat pen ýaqyt jumsalǵan keshendi qıratty», - delingen ulttyq parktiń Facebook-tegi paraqshasynda.

Bul keshen 2016 jyly demeýshi kásipkerlerdiń kómegimen ashylǵan.

«Eń alǵash paıdalanýǵa berilgen kúnderi adamdar qırata bastady. Sol kezde kamera ornattyq. Vandalızm toqtaǵan sııaqty edi. Ol jerden bótelke, temeki qaldyqtaryn kórýge bolady», - dedi demeýshilerdiń biri Sergeı Spıtsyn.

Keıin keshen qaıta jóndeýge jabylǵan. Áleýmettik jelide jarııalanǵan jazbadan soń sýǵa túsetin bóshke men dýsh kabınasy qalpyna keltirildi.

Almaty ákimdiginiń kómegimen sý keshenine jaryq tartylatyn boldy.