Túrikter túsirgen Qoja Ahmet ıAsaýı týraly telehıkaıa Qazaqstanda kórsetiledi

NUR-SULTAN. QazAqparat – Túrkııada túsirilgen Qoja Ahmet ıAsaýı týraly telehıkaıa jaqyn aralyqta Qazaqstanda kórsetiledi. QR Aqparat jáne qoǵamdyq damý mınıstri Aıda Balaevanyń Túrkııaǵa jumys saparynyń nátıjesinde osyndaı ýaǵdalastyqqa qol jetti, dep habarlaıdy QazAqparat.

Aıta keterligi, Qoja Ahmet ıAsaýı ómiri týraly teleserıal premerasy Qazaqstan men Túrkııada bir mezgilde ótedi dep josparlanǵan. Túrkııa tarapy túsirgen bul telehıkaıa «Mavera» dep atalady. Mavera – (arab tilinde «kórinetin álemniń kórinbeıtin arǵy jaǵy» degen maǵynany bildiredi) kóne Osmanly tilinde qoldanylǵan sóz. Qazaqsha «tylsym álem», «qarsy jaq», «basqa dúnıe» dep aýdarýǵa bolady. Rejısser Iúdjel Húdaverdiniń bul fılmi tartymdy ári qyzyqty oqıǵalarǵa toly.

ıAsaýı týraly telehıkaıany túrikter jańa formatta túsirgen. Onda Qoja Ahmet ómiriniń kópshilik bile bermeıtin qyrlary, jalpaq jurtqa beımálim kezeńi kóbirek sýretteledi. Sondyqtan da bul telehıkaıa Qazaqstan kórermenderi úshin de qyzyqty bolary haq. Telehıkaıada ıAsaýıdiń Arystanbaptan alǵan qurma dáneginiń qurma aǵashyna aınalý oqıǵasy, dárýishter hıkaıasy, tarıhtaǵy alǵashqy Alyp-erender oqıǵasy tartysty beriledi.

Toqtala ketetin jaıt, mınıstr Aıda Balaeva sapar aıasynda túrkııalyq TRT teleradıokompanııasynyń basqarma tóraǵasy Ibrahım Erenmen kezdesken bolatyn. Osy kezdesýde Qazaqstan men Túrkııanyń televızııa salasyndaǵy yntymaqtastyqty tereńdetý, birlesken jobalardy júzege asyrý sóz boldy. Atap aıtqanda, taraptar túrki jurtyna ortaq tarıhı tulǵa – Qorqyt ata týraly birlesken serıal túsirýge ýaǵdalasty. Budan bólek, Qazaqstan men Túrkııa teleradıokompanııalary balalarǵa arnalǵan anımatsııalyq jáne tanymdyq fılmderdi jasaý týraly jospardy da talqylady.