Túrikmenstannan 153 qandas tarıhı Otanyna oraldy
Mańǵystaý oblysy ákiminiń orynbasary Gúlmıra Qalmuratovanyń málimetinshe, byltyr álemdegi pandemııaǵa baılanysty elimizde kóship-qonýshylar aǵyny keıinge qalǵan.
Sodan beri sheteldik qandastarymyz el aýmaǵyna kirgizilgen joq.
Úkimettiń qoldaýymen búgin barlyq sanıtarlyq talaptar saqtala otyryp, Qazaqstanǵa kóship kelýge ótinish tastaǵan qandastarymyz óz erkimen tarıhı Otanyna qonys aýdardy.
«Olardy Qazaqstan -Túrkimenstan shekarasyndaǵy «Bolashaq» stansasynda Qaraqııa aýdany ákimdiginiń qyzmetkerleri men Qaraqııa ortalyq aýdandyq aýrýhanasynyń medbıkeleri qarsy aldy. Qonys aýdarýshylardyń PTR test synamasynyń nátıjesi men tıisti qujattary tekserilip, poıyzǵa otyrǵyzyldy. Osy oraıda alystan at terletip kelgen býyrlas aǵaıyndy dittegen jerge esh qıyndyqsyz jetkizip salýǵa qol ushyn bergen «Qazaqstan temir joly» «Jolaýshylar tasymaly» AQ-na alǵys aıtamyz»,- deıdi Gúlmıra Qalmuratova.
Baýyrlas aǵaıyndar mingen poıyz Jańaózen stantsııasyna, odan keıin Mańǵystaý stantsııasyna keledi.
Olardy Jańaózen qalasy men Munaıly aýdany ákimdiginiń qyzmetkerleri kútip alyp, birqataryn týystarynyń úıine jaıǵastyrady.
Al bir bóligin ózge oblystarǵa shyǵaryp salady.
Atap aıtsaq:
Aqtaý qalasy - 42 adam
Munaıly aýdany - 58 adam
Túpqaraǵan aýdany - 11 adam
Jańaózen qalasy - 18 adam
Jambyl oblysy - 9 adam
Almaty qalasy - 11 adam
Aqtobe oblysy - 1 adam
Shymkent qalasy - 2 adam.