Túrikmenstanda merziminen buryn prezıdent saılaýy ótedi

AShHABAD. Týrkmenıstan segodnıa - QazAqparat - Túrikmenstanda merziminen buryn prezıdent saılaýy ótedi, dep habarlaıdy QazAqparat Týrkmenıstan segodnıa memlekettik agenttigine silteme jasap.

«Qabyldanǵan tıisti qaýlyǵaǵa sáıkes 2022 jylǵy 12 naýryzda Túrikmenstan prezıdentiniń merziminen buryn saılaýy ótedi», - delingen habarlamada.

Eske salsaq, keshe Túrikmenstan kóshbasshysy Gýrbangýly Berdymuhamedov bılikti jastarǵa berý týraly aıtty.

Túrikmenstan basshysy eki jyl buryn paıǵambar jasyna jetkenine, búgin ózi týraly ońaı bolmaǵan sheshimdi talqylaǵysy keletinine toqtaldy.

«Men elimizdiń qazirgi damý kezeńinde memleketti basqarýdy rýhanı ortada jáne jańa zaman talaptaryna saı tárbıelengen jas basshylarǵa berý kerek degen oıdy qoldaımyn. Halyq Máslıhatynyń Tóraǵasy retinde ózimniń mol ómirlik jáne saıası tájirıbemdi osy salaǵa baǵyttaýǵa nıettimin», - dedi Prezıdent Gýrbangýly Berdymuhamedov.