Túrikmenstanda Halyqaralyq Araldy qutqarý qorynyń atqarýshy komıteti quryldy
Jańa qurylym Aral teńizi basseınindegi ekologııalyq jaǵdaıdy ońaltýǵa baǵyttalǵan baǵdarlamalar men jobalardy júzege asyrý men saraptama júrgizýdi baqylaý, Aral teńizi basseıniniń problemalary boıynsha, HAQQ-nyń prezıdenti men basqarmasy, quryltaıshy memleketterdiń basshylary keńesiniń sheshimderin is júzinde júzege asyrýdy qamtamasyz etý, HAQQ-niń quryltaıshy memleketteriniń aımaǵynda ornalasqan Aral basseınindegi ekologııalyq jáne áleýmettik jaǵdaıdy ońaltýǵa atsalysýshy arnaıy agenttikter men qorlardyń jáne jeke óziniń fılıaldarynyń qyzmetin úılestirý, HAQQ-nyń Memleketaralyq úılestirýshi sý sharýashylyǵy komıssııasy men Turaqty damý jónindegi memleketaralyq komıssııanyń qyzmetine qoldaý kórsetý, óńirdegi elderdiń mınıstrlikteri men vedomstvolarymen, qoǵamdyq jáne halyqaralyq uıymdarmen, donor eldermen, ekologııalyq jáne ózge de qorlarmen qorshaǵan ortany qorǵaý problemalary boıynsha qyzmetin jetildirý baǵytynda yntymaqtastyqty qalyptastyrý, HAQQ qyzmetin qamtamasyz etýge baǵyttalǵan qarjylyq jáne ózge de qundylyqtaryn baqylaý men onyń jobalaryn júzege asyrý jáne ony maqsatty paıdalanýǵa baǵyttalǵan.
HAQQ Atqarýshy komıtetiniń ózge de fýnktsııalaryna qordyń quryltaıshy memleketterine aqparattyq-saraptamalyq materıaldardy usyný, aqparattyq jáne redaktsııalyq baspa qyzmetin júzege asyrý, HAQQ basqarmasy men quryltaıshy memleketterdiń basshylary keńesiniń májilisterin uıymdastyryp, olardyń materıaldaryn daıyndaý, HAQQ qyzmetimen baılanysty taqyryptar boıynsha konferentsııalar, sımpozıýmdar men semınarlar uıymdastyrý kiredi.
Berdymýhammedov «Halyqaralyq Araldy qutqarý qory Atqarýshy komıteti týraly» erejeni bekitip, qordyń tóraǵasy etip Túrikmenstannyń Aýyl jáne sý sharýashylyǵy mınıstriniń qurylys jumystary jónindegi orynbasary qyzmetin atqaryp kelgen Gýızgeldı Baıdjanovty taǵaıyndady.