Túrikmenstanda halyq bıliginiń joǵary ókildi organy quryldy
21:14, 22 Qańtar 2023
AShHABAD. QazAqparat – Túrikmenstanda halyq bıliginiń joǵary ókildi organy – Halyq máslıhaty quryldy, dep habarlaıdy QazAqparat «Týrkmenıstan segodnıa» aqparat agenttigine silteme jasap.
Basylymnyń habarlaýynsha, 21 qańtarda Túrikmenstan Mıllı Gengeshi (parlamenti) jáne el qoǵamdastyǵy ókilderiniń birlesken otyrysy ótip, onda qos palataly parlamentti bir palataly etip qaıta qurý týraly sheshim qabyldanǵan.
El konstıtýtsııasyna ózgerister men tolyqtyrýlar engizý týraly tıisti zańnyń jobasy Prezıdent Serdar Berdimuhamedovtyń qaraýyna jiberilgen. Memleket basshysy ony maquldap, qol qoıdy.
Halyq bıliginiń joǵarǵy organyn respýblıkanyń eks-prezıdenti Gýrbangýly Berdimuhamedov basqarady, oǵan parlamentshiler ult kóshbasshysy mártebesin berýdi josparlap otyr.
Foto: tdh.gov.tm