Túrikmenstan teatrynda «Abaı» operasynan shyǵarmalar oryndaldy
QR Syrtqy ister mınıstrliginen málim etkendeı, uly Abaıdyń 175 jyldyq mereıtoıyna oraı Ashǵabat qalasyndaǵy Maqtumquly atyndaǵy Ulttyq mýzykalyq-drama teatrynda Túrikmenstan Memlekettik sımfonııalyq orkestri kórkemdik jetekshi Rasýl Klychevtyń basqarýymen Ahmet Jubanov pen Latıf Hamıdıniń «Abaı» operasynan shyǵarmalar oryndady.
Orkestrdiń súıemeldeýimen ataqty túrikmen tenory Nury Nuryev «Abaı» operasynan «Aıttym sálem, Qalamqas» Aıdar arııasyn, al opera ánshisi, soprano Leılı Okdırova «Qarlyǵash» ánin shyrqady.
Óziniń quttyqtaý sózinde bas dırıjer R.Klychev ortaq tarıhı-mádenı «tamyrlar qazaq jáne túrikmen halyqtaryn biriktiretinin jáne qazaq mádenıetin jańa bıikterge kótergen uly Abaıǵa qurmet kórsetý óte qýanyshty ekenin atap ótti.
Óz kezeginde, Qazaqstannyń Túrikmenstandaǵy Elshisi Erkebulan Sápıev vokalshylarǵa, Túrikmenstannyń Memlekettik sımfonııalyq orkestri men Mádenıet mınıstrligine mádenı is-sharany uıymdastyrǵany jáne qazaq halqynyń uly aqyny Abaı Qunanbaıulynyń shyǵarmashylyq murasynyń máńgilik qundylyqtaryn ilgeriletýge qosqan úlesi úshin shynaıy alǵysyn bildirdi», - delingen QR SІM aqparatynda.