Túrikmenstan prezıdenti sáýleti biregeı nysandardy plagıattan qorǵamaq

ASTANA. QazAqparat - Túrikmenstan eldegi arhıtektýrasy biregeı nysandardy plagıattan qorǵaý sharalaryn engizbek. Tıisti tapsyrmalardy Mınıstrler kabınetiniń otyrysynda prezıdent Gýrbangýly Berdimuhametov júktedi, dep habarlaıdy QazAqparat «Túrikmenstan búgin» memlekettik aqparat agenttigine silteme jasap.

Túrikmenstan basshysy atap ótkendeı, búgingi kúni elde erekshe nysandar men ǵımarattar boı kóterýde. Olardyń deni Gınnes rekordtar kitabyna da engen.

Osy rette, biregeı arhıtektýralyq ázirlemeler men ıdeıalardy plagıattan qorǵaý maqsatynda, qurylys kelisimsharttaryna merdigerden tıisti patentti rásimdeýdi talap etetin tarmaq engizý qajettigi atap ótildi. Merdiger men tapsyrys berýshiniń jaýapkershiligi qarastyrylýy tıis.

Qol qoıylatyn árbir kelisimshart atalǵan tarmaqtardy qamtýy qajettigin atap ótken memleket basshysy, vıtse-premer G.Myradovqa elde salynyp jatqan iri ári mańyzdy nysandarǵa patentter berýdi júktedi.

Sondaı-aq Gýrbangýly Berdimuhamedov qurylys boıynsha barlyq tenderlerdi Túrikmenstannyń Qurylys jáne sáýlet mınıstrligi ótkizýi tıistigin qadap aıtty.