Túrikmenstan prezıdenti Qazaqstan elshisin qabyldady

ASTANA. QazAqparat - Túrikmenstan prezıdenti Gýrbangýly Berdimuhamedov eldegi dıplomatııalyq qyzmetin aıaqtap jatqan Túrikmenstandaǵy Qazaqstan Respýblıkasynyń Ókiletti jáne Tótenshe elshisi Orman Nurbaevty qabyldady, dep habarlady «Týrkmenıstan segodnıa» agenttigi.

Kezdesýge bólgen ýaqytyna alǵys aıta kele, elshi Túrikmenstan basshysyna túrik-qazaq qatynastarynyń damýyna qosqan úlesi úshin jáne dıplomat retindegi qyzmetine únemi qoldaý bildirgenine rızashylyǵyn bildirdi. Nurbaev onyń elinde túrikmen basshysynyń alǵa bastaıtyn saıasaty men mańyzdy halyqaralyq bastamalarynyń joǵary baǵalanatyndyǵyn jáne jappaı qoldaıtyndyǵyn aıtyp ótti.

Óz kezeginde prezıdent Gýrbangýly Berdimuhamedov Túrikmenstannyń kórshiles eldermen,  sonyń qatarynda tereń tarıhı tamyry jáne týysqan halyqtar arasyndaǵy rýhanı baılanysy bar Qazaqstanmen dostyq baılanystyń nyǵaıýyna  kóńil bólinetindigine basa nazar aýdardy.

Múmkindikti paıdalana otyryp, elshi Gýrbangýly Berdimuhamedovke, barlyq túrikmendikterge alda ótetin V Azııa oıyndarynyń sátti ótkizilýine tilektestik bildirdi.