Túrikmenstan Qazaqstan shekarasy arqyly avtomagıstral júrgizbek

ASTANA. QazAqparat - Túrikmenstan úkimetiniń májilisinde uzaqtyǵy 242 km bolatyn Túrikmenbasy-Garabogaz-Qazaqstan shekaralyq avtomobıl joly qurylysynyń jospary týraly baıandaldy, dep habarlaıdy Trend Túrikmen dovlet habaralary memlekettik agenttigine silteme jasaı otyryp.

Túrikmenstan prezıdenti Gýrbangýly Berdymýhamedov aqparatta kórsetilgendeı, Ashhabad-Túrikmenbasy joǵary jyldamdyqty mýltımodaldy jolynyń jalǵasy bolyp tabylatyn atalǵan trassanyń qurylysyn muqııat zertteýdi tapsyrdy. Óz kezeginde ol kólik aǵymynyń kólemin arttyryp, kórshiles elder arasyndaǵy taýar aınalymyn arttyrady.

Sáýir aıynda Túrikmenstan men Qazaqstannyń Astanada strategııalyq seriktestik jónindegi kelisimge qol qoıǵany habarlanǵan bolatyn. Túrkmenstan men Qazaqstan prezıdentteri Gýrbangýly Berdymýhamedov pen Nýrsýltan Nazarbaev Túrikmenstan-Qazaqstan memlekettik shekarasynda demarkatsııalyq jumystaryn júrgizý jónindegi kelisimge qol qoıdy.

Taraptar sodan beri eki eldiń joldaryn baılanystyratyn avtojoldarda Mańǵystaý oblysy men Túrikmenstannyń Balqan oblysy arasynda shekara mańyndaǵy saýda aýmaǵyn qurýdy qarastyrýda.