Túrikmenstan basshysy: eki eldiń ózen-sýlarǵa qatysty ustanymy bir

ASTANA. QazAqparat - Búgin Aqordada Túrikmenstannyń basshysy Gýrbangýly Berdimuxamedovpen kezdesken QR Prezıdenti Nursultan Nazarbaev Aral máselesi boıynsha úlken kezdesýdi ótkizý qajettigin meńzedi, dep xabarlaıdy QazAqparat tilshisi.

Túrikmenstannyń prezıdenti Araldy qutqarý boıynsha xalyqaralyq qordyń tóraǵalyǵyn óz eline tapsyrylǵany jaıynda aıtqan kezde Nursultan Nazarbaev: "Áıteýir, bárimizdi jınaı alatyn shyǵarsyz", - dep óz oıyn jetkizdi. Oǵan Berdimuxamedov: "Iá", - dep jaýap berdi. Osy oraıda Túrikmenstan basshysy eki eldiń ózen-sýlarǵa qatysty ustanymy bir ekenin aıtty. Sebebi Túrikmenstan da, Qazaqstan da ózenderdiń tómengi jaǵynda ornalasqan.

Aıta ketken jón, Halyqaralyq Araldy qutqarý qory 1993 jyly Tashkent qalasynda qurylǵan bolatyn. Qordyń negizgi maqsaty - barlyq elderdiń múddesin eskere otyryp, Araldy qutqarýǵa arnalǵan ortaq jobalardy qarjylandyrý. Uıymnyń quryltaıshylary - Qazaqstan, Tájikstan, Túrikmenstan, Qyrǵyzstan jáne Ózbekstan. Qordyń tóraǵalyǵyn árbir memlekettiń prezıdenti kezek-kezekpen úsh jyl saıyn atqarady. Qazirgi tóraǵa - Túrikmenstannyń basshysy.