Túrikmen sportshylary medaldar sanyn 150-ge jetkizdi

  ASTANA. QazAqparat - Túrikmenstan astanasy Ashhabad qalasynda jaýyngerlik óner túrleri boıynsha jabyq ǵımaratta ótip jatqan V Azııa oıyndarynda jergilikti sportshylar medaldar sanyn 150-ge jetkizdi, dep habarlaıdy QazAqparat tilshisi.

Dál qazirgi kórsetkish boıynsha Túrikmenstan sportshylary 150 medalmen kósh bastap keledi. Onyń 59-y altyn, 43-i kúmis, 48-i qola medal.

Al búgin ekinshi orynǵa Iran sportshylary kóterildi. Olardyń enshisinde 16 altyn, 9 kúmis, 27 qola, jalpy 52 medalǵa qol jetkizdi. Úshinshi orynda 13 altyn, 12 kúmis, 14 jalpy 39 medal ıelengen Taıland quramasy keledi. Tórttikti Qazaqstannan 1 altyn medal artyq alǵan Ózbekstan sportshylary ýysynda ustap tur. Olar 10 altyn, 17 kúmis, 36 qola jalpy 63 medal jeńip aldy.

Al otandastarymyz ázirge 9 altyn, 12 kúmis, 17 qola jalpy 38 medalmen besinshi orynǵa ıe bolýda.

Aıta keteıik, atalmysh baıraqty dodaǵa el namysyn qorǵaýǵa Qazaqstannyń 150  sportshysy attandy. Olar jarystyń 17 túrinen synǵa túsýde.