Túrik kınematografısteri ıAsaýı, Qorqyt týraly fılm túsirýdi usyndy
Kezdesýde eki eldiń kıno mamandary birlesken jobalardy túsirýdi talqylady.
«Bizdiń ortaq mádenıetimiz, tarıhymyz, ortaq dinimiz bar. Qoja Ahmet ıAsaýı, Kóroǵly, Qorqyt ata sekildi ortaq tulǵalarymyz bar. Ol qazaqtyń ne túriktiń ǵana emes, búkil túrki áleminiń tulǵasy. Olar ómirlerin jasampazdyqpen ótkizip, eldi beıbitshilikke, yntymaqqa shaqyrǵan. Sondaı keıipkerlerimiz barda, tarıhymyz barda, bizge kóp kınolar túsirý kerek. Bir jerge jınalyp týyndylar shyǵarsaq, ár memleket tóleıtin qarjysyn ortaǵa shyǵarsa degen oı. Ortaq fılmder túsirip, búkil álemge túrki áleminiń beıbit halyq ekenin pash etsek», - dedi tanymal túrik rejısseri Óner Kylych.
«Qazaqfılmniń» qyzmetkerleri túrkııalyq qonaqtar - rejısser Óner Kylychqa, prodıýser Ahmet Edebalyǵa, rejısser Mustafa Ýgýr ıAǵdjyoǵlýǵa jáne jýrnalıst Bedir Acharǵa stýdııa aýmaǵyn aralatyp, óndiristik múmkindiktermen tanystyrdy. Kezdesý sońynda eki tarap bolashaqta birlesip túsiretin jobalardyń stsenarıılerimen almasty.
Sońǵy jyldary «Qazaqfılm» bıýdjet qarjysyn únemdeý jáne halyqaralyq prokatqa shyǵý maqsatynda sheteldik seriktestermen kınoóndiristi qarqyndy túrde damytýda. Osy oraıda, prokaty úlken tabyspen ótken Reseımen birlesip túsirgen «28 panfılovshy» fılmin, prokatqa endi ǵana shyqqan Úndistanmen birlesken «Týǵan úıim - tiregim» («Love you family») fılmin jáne aıaqtalýǵa jaqyn qalǵan «Ámire» (Ámire Qashaýbaev týraly) atty qazaq-amerıka fılmin, túsirilim kezeńinde turǵan qazaq-qytaı jobasy «Kompozıtor» (Sı Sınhaı men Baqytjan Baıqadamovtyń dostyǵy týraly) fılmin ataýǵa bolady.
Túrik fılmderiniń aptalyǵy bıyl úshinshi ret Túrkııanyń Mádenıet jáne týrızm mınıstrligi bastamasymen uıymdastyrylyp otyr. Ashylý saltanatynda Koreı soǵysyna qatysyp, kishkentaı koreı qyzyn qutqaryp qalǵan túrik ofıtseri týraly baıandaıtyn «Aıla» atty kórkem fılm kórsetildi. Іs-shara 27 jeltoqsan kúni «Taý 2» atty kórkem fılmimen aıaqtalady. Kórsetilimder «Tsezar» kınoteatrynda ótip jatyr.