Túrik ınvestorlary Aqtóbede ıadrolyq medıtsına ortalyǵyn salmaq

AKTÓBE. QazAqparat - Aqtóbe qalasynda ıadrolyq medıtsına ortalyǵy salynady. Túrik ınvestorlary jobaǵa 50 mln teńge jumsamaq, dep habarlaıdy QazAkparat tilshisi.

Aqtóbe oblysynyń ákimi Eraly Toǵjanov «OrhunMedical» túrik kompanııasynyń ókilderimen kezdesti. Investorlaoǵa óńirdiń densaýlyq saqtaý salasyndaǵy ınvestıtsııalyq múmkindikteri tanystyryldy.

Kezdesý barysynda Aqtóbe qalasyndaǵy ıadrolyq medıtsına jáne tomoterapııa ortalyǵymen birge OrhunMedical kópsalaly klınıkasyn salý jpıy sóz boldy. Sondaı-aq Qazaqstannyń batys óńirindegi qalalarda Pozıtrondy-emıssııalyq tomografııanyń eki ortalyǵyn, bir fotondy emıssııalyq kompıýterlik tomografııany ashýǵa qatysty máseleler talqylandy.
Jobany «OrhunMedical» basqarma tóraǵasy Gonench Dyryk tanystyrdy. Investıtsııa kólemi 50 mln dollardy quraıdy.
ıAdrolyq medıtsına ortalyǵynyń óndiristik qýaty aıyna 12 myń OFEKT/KT zertteýlerin quraıdy. Aqtaý jáne Atyraý qalalarynda jyl saıyn 9 myń zertteý júrgiziledi.
«Bul mańyzdy joba. Sonyń arqasynda batys óńiriniń turǵyndary joǵary bilikti mamandandyrylǵan medıtsınalyq kómek ala alady. Biz ony júzege asyrýda jan-jaqty kómek kórsetýge daıynbyz. Kadr máselesin medıtsına ýnıversıteti sheshedi. Onda mamandardy daıarlaý boıynsha baza ashýǵa bolady», - dep atap ótti oblys ákimi Eraly Toǵjanov.

Sondaı-aq ol jergilikti basqarma basshylaryna ınvestorlar úshin qajetti qoldaýdy qamtamasyz etýdi tapsyrdy.