Túrik aǵaıyndarǵa azyq-túlik jaǵynan kómek kórsetýge daıynbyz - AShM

ASTANA. QazAqparat – Qazaqstan Túrkııadaǵy jaǵdaıǵa baılanysty azyq-túlikpen gýmanıtarlyq kómek kórsetýge daıyn. Bul týraly Aýyl sharýashylyǵy mınıstri Erbol Qarashókeev málim etti, dep habarlaıdy QazAqparat tilshisi.

«Baýyrlas elge kómek kórsetý biz úshin mańyzdy. Qajettilik týyndap jatsa, kómek kórsetý – paryzymyz. Kómekke daıynbyz. Ol úshin Túrkııa tarapynan arnaıy suranys kelip túsýi kerek. Bizde halyqaralyq gýmanıtarlyq kómek kórsetetin qor bar. Biz daıynbyz», - dedi Erbol Qarashókeev Úkimet úıinde ótken brıfıngi barysynda BAQ ókilderiniń saýalyna jaýap bere otyryp.

Aıta ketsek, Túrkııanyń ońtústik-shyǵysyndaǵy Gazıantep provıntsııasynda 6,4-6,6 magnıtýdaly, keıin 7,4 magnıtýdaly qýatty jer silkinisi boldy.

Keshe Memleket basshysy Qasym-Jomart Toqaev Úkimetke Túrkııaǵa shuǵyl kómek kórsetýdi tapsyrǵan edi. Sondaı-aq, Prezıdent Túrkııanyń ońtústik-shyǵysynda kóptegen adam shyǵynyna ákep soqtyrǵan jer silkinisine baılanysty Rejep Taııp Erdoǵanǵa kóńil aıtý jedelhatyn joldady.

Aıta keteıik, Qazaqstan Tótenshe jaǵdaılar mınıstrliginiń qutqarýshylary jer silkinisi saldaryn joıýǵa kómek kórsetý úshin Almatydan Túrkııaǵa attandy. Onyń quramynda Qazaqstannyń respýblıkalyq jedel qutqarý jasaǵynyń qutqarýshylary, medıtsınalyq qyzmetkerler jáne qyzmettik ıtter bar.

Búgin Túrkııaǵa ushqan qazaqstandyq qutqarýshylar borty Gazıantep qalasyna qonatyny belgili boldy.

Sońǵy málimetter boıynsha, Túrkııanyń Kahramanmarash provıntsııasynda zilzaladan kóz jumǵan adamdar sany 3 381 adamǵa jetti, 20 426 adam jaraqat aldy.