«Turǵynúıqurylysjınaqbanki» bıyl 168 mlrd teńge nesıe berdi

ALMATY. QazAqparat - «Turǵynúıqurylysjınaqbanki» bıyl salymshylarǵa baspana alý úshin 168 mlrd teńge nesıe bergen, dep habarlaıdy QazAqparat tilshisi.

«Turǵynúıqurylysjınaqbanki» AQ Basqarma tóraıymy Lázzat Ibragımovanyń habarlaýynsha, bıyl bank salymshylarynyń depozıttik bazasy 30 paıyzǵa artqan. Qazir bankte 988 152 depozıtte 477,3 mlrd teńge saqtalyp tur.

Osylaısha bank uzaqmerzimdi salymdar boıynsha kóshbasshy bolyp tur.

«Salymshylar negizinen orta eseppen 5 mln teńgege shot ashady. Ótken jyly kórsetkish 3,8 mln teńge bolatyn. 2017 jyly shildeden bastap bank kelisimshartqa komıssııany alyp tastady. Sodan beri klıentter qatary kúrt kóbeıdi. Bıyl shildede 58 390 adam kelisim shart jasassa, ótken jyly bul kórsetkish 2 ese tómen bolǵan. Bıyl 9 aıda 255 278 adam shot ashqan. Ótken jylǵy kórsetkishpen salystyrǵanda 1,5 ese artyq. Kún saıyn 2000 shot ashylyp jatyr», - dedi L.Ibragımova.

Banktiń depozıttik jáne kredıttik portfeli sońǵy úsh jylda ósti.

Nesıe portfeli bıyl 114,1 mlrd teńgege ósip, eseptik kezeńde 415 mlrd teńgege jetti.

Ótken jyly bul kórsetkish 300,8 mlrd teńge bolǵan edi.
«Jalpy alǵanda qazaqstandyqtar baspana alýǵa ekinshi deńgeıli bankterden 223 mlrd teńge kóleminde nesıe alsa, onyń 168 mlrd teńgesi «Turǵynúıqurylysjınaqbanki» AQ enshisinde. Jyl basynan beri bank arqyly 28 990 qazaqstandyq otbasy baspana aldy. Ipotekalyq nesıeniń 75 paıyzyn «Turǵynúıqurylysjınaqbanki» AQ berdi», - dedi L.Ibragımova.

Aıta ketý kerek, 2017 jyldyń mamyrynda bank teńge baǵamynyń ózgerýine baılanysty salymshylarǵa ótemaqynyń ekinshi transhyn tólegen bolatyn.

Jalpy alǵanda eki jylda klıentterge 49,4 mlrd teńge tólendi.

Onyń 19,4 mlrdy banktiń óz qarajatynan berildi.

«Nurly jer» baǵdarlamasy aıasynda «Turǵynúıqurylysjınaqbanki» AQ jelisi boıynsha jyl basynan beri 5400 páter berilgen.