«Turǵynúıqurylysjınaqbanki» AQ salymshylary úshin nesıelik baspana qurylysyna 149 mlrd. teńge bólinedi

ASTANA. QazAqparat - «Turǵynúıqurylysjınaqbanki» AQ salymshylary úshin nesıelik baspana qurylysyna «Báıterek» holdıngi arqyly 149 mlrd. teńge bólinedi. Búgin Úkimet otyrysynda QR Ulttyq ekonomıka mınıstri Erbolat Dosaev osylaı málim etti.

Onyń aıtýynsha, Astana men Almatyda bir sharshy metr baspananyń quny 180 myń teńgeden aspaıtyn bolady, al qalǵan óńirlerde 140 myń teńge deńgeıinde qalyptaspaq. 2016 jyly atalǵan tetik boıynsha 814 myń sharshy metr turǵyn úı salynady dep kútilýde.

Belgili bolǵandaı, «Turǵynúıqurylysjınaqbanki» salymshylary úshin nesıelik baspana qurylysy 0,1 paıyzben 20 jyl merzimge «Báıterek» holdıngi oblıgatsııalaryn shyǵarý arqyly júzege asyrylady. Keıinnen 0,15 paıyzben «Báıterek development» AQ-nyń zaımy usynylady. Sonymen qatar «Báıterek development» AQ qarjynyń bir bóligin 0,15 paıyzben ákimdikterge 20 jyl boıynda árbir eki jyl saıyn potranshty oblıgatsııalardy shyǵarý arqyly usynady.