Turǵyndarynyń 77% vaktsına alǵanyna qarmastan Túrkııada koronavırýs áli órship tur

NUR-SULTAN. QazAqparat - Grýzııada mektep oqýshylary koronavırýstyń taralý qarqyny tómendegen jaǵdaıda jáne muǵalimderdiń kópshiligi COVID-19 vırýsyna qarsy vaktsınatsııadan ótken kezde ǵana mektepke orala alady, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Bilim mınıstri Tamar Gabýnııa mektepterde kúndizgi oqý basymdyqqa ıe ekenin atap ótti, sonymen qatar DDU kúndizgi oqýǵa tyıym salýdy sońǵy kezekte engizýdi usynady. Grýzııada oqý jyly 1 qyrkúıekte emes, 15 qyrkúıekte bastalady. «Eger epıdemıologııalyq jaǵdaı qaýipsiz mektep ortasyn qamtamasyz etý úshin jetkilikti túrde turaqtalmasa, árıne, bul turǵyda oń sheshim qabyldaý múmkin emes, vaktsınatsııa mártebesi de mańyzdy», - dedi Gabýnııa.

Ujymdyq ımmýnıttke qol jetkizýge eki qadam qaldy, biraq ınfektsııa qarqyny ósýde. Túrkııa kúsheıtilgen vaktsınatsııa aıasynda COVID-19 jaǵdaılarynyń eń joǵary deńgeıine jetti. Turǵyndardyń 77% - dan astamy vaktsınanyń alǵashqy dozasyn aldy, al 59% tolyǵymen egildi. Osyǵan qaramastan vırýs juqtyrýdyń jańa jaǵdaılary men aýrý saldarynan kóz jumǵandar sany ósýde. Ótken aptada qaýipti ertke shaldyqqandardyń kúndelikti ósimi 20 myń jaǵdaıǵa jetti, al ólim sany 250-den asty. Bul Túrkııadaǵy koronavırýstyń úshinshi tolqynynyń eń joǵary kórsetkishteri.

Densaýlyq saqtaý mınıstrliginiń málimetinshe, jansaqtaý bólimine jatqyzýǵa deıin alyp keletin bul vırýs egilmegen azamattar arasynda keń taralýda.