Turǵyndarǵa kómir birinshi kezekte jetkiziledi - QR Energetıka mınıstrligi
«Energetıka mınıstrligi osy kúnderi óńirlerdiń jergilikti jerlerinde kómir tapshylyǵy máselesin talqylaýda. Mınıstrlik Úkimetke kómirdi jóneltý syzbasyn qaıta qarastyrý boıynsha usynys engizedi. Halyqtyń kommýnaldyq turmystyq qajettiligi - basty orynda, sodan soń jylý elektr stantsııalary, al odan keıin eksport», - dep túsindirdi QR Energetıka vıtse-mınıstri Baqytjan Jaqsalıev Shyǵys Qazaqstan oblysyndaǵy «Qarajyra» razrezinde ótken kóshpeli otyrysta.
Mınıstrliktiń málimetinshe, 2017 jyly kommýnaldyq-turmystyq qajettilikke jáne halyqqa arnalǵan kómir kólemi 12,5 mln tonnaǵa jetken, bul kórsetkish 2016 jylmen salystyrǵanda 18%-ǵa artyq (10,6 mln tonna).
Qarajyra - Qazaqstandaǵy kómir qoryna baı ken oryndarynyń biri, Shyǵys Qazaqstan oblysynyń Jańasemeı óńirinde, Semeı qalasynan ońtústik-shyǵysqa qaraı 130 shaqyrymda ornalasqan. Kómir qory shamamen mıllıard tonnada asady.
Buǵan deıin habarlanǵandaı, QR Energetıka mınıstrligi áleýmettik jelide qaýeset pen teris aqparattardyń jıi taralýyna baılanysty málimdeme jasap, elimizde turǵyndardy kómirmen qamtamasyz etýdegi jaǵdaı qalypty ekendigin jetkizdi. Mınıstrliktiń aqparatyna sáıkes, Qazaqstannyń óńirlerinde kómir tapshylyǵy joq baıqalmaıdy.