Turǵyndardyń radıofobııasy baılanys sapasyn arttyrýǵa kedergi – Baǵdat Mýsın
Onyń aıtýynsha, bir-eki turǵynnyń shaǵymyna baılanysty mamandar úıdiń shatyryndaǵy bazalyq stansalardy alyp tastaýǵa májbúr.
«Biz úıdegi 99 turǵyndy tyńdap, baılanys sapasyn qamtamasyz etýimiz kerek pe, álde radıofobııasy bar bir turǵyndy tyńdaýymyz kerek pe? Bazalyq stansa onyń densaýlyǵyna zııan keltiredi dep oılaıdy. Onyń otbasynda bireý qaterli isikke shaldyqqan, sebebin sodan kóredi. Sondyqtan bazalyq stansany bir jerden alyp tastap, ekinshi jerge ornalastyryp otyrýǵa májbúrmiz. Árıne, bul nátıjesiz jumys», - dedi Baǵdat Mýsın elordada ótken «Ashyq esik kúni» sharasy barysynda.
Osy oraıda mınıstr bazalyq stansalarǵa qatysty máseleni zań aıasynda sheshýdi usynyp otyr.
«Bir turǵynnyń shaǵymyna qulaq asyp, bazalyq stansany alyp tastaý tıimsiz. Menińshe stansalardy alyp tastaý máselesin ujymdyq talqyǵa salý kerek. Bıyl birinshi toqsanda Nur-Sultan qalasynda 37 bazalyq stansa ornatylyp, 35 stansa jóndeýden ótti», - deıdi ol.
Sondaı-aq atalǵan jaıtqa qatysty sala mamany da pikir bildirdi.
«Bazalyq stansany ornatpas buryn baılanys operatorlary sanepıdemıologııalyq mekemeniń ruqsatyn suraıdy. ıAǵnı stansanyń adam densaýlyǵyna zııandy emes ekendigi týraly sanıtarlyq norma men ereje bar. Bazalyq stansa sanepıdemıologııalyq qyzmettiń ruqsatynan keıin ǵana ornatylady», - deıdi QR Tsıfrlyq damý, ınnovatsııalar jáne aeroǵarysh ónerkásibi mınıstrligi telekommýnıkatsııa komıteti tóraǵasynyń orynbasary Zúlfııa Qudaıbergenova.
Onyń aıtýynsha, Qazaqstanda baılanys jelisi álemdik tendentsııaǵa sáıkes damyp jatyr.