Turǵyndardyń ótinishin qaraý bólimi 30 myńnan astam adamnyń máselesin sheshýge kómektesken
El turǵyndary Prezıdent Ákimshiligine túrli másele boıynsha júginedi. Shaǵymdar men ótinishterden basqa, zańnamany jetildirý, áleýmettik-ekonomıkalyq jobalar boıynsha bastamalar men jobalar da usynylady. Óz kezeginde Ótinishterdi qaraý bólimi shaǵymdar boıynsha tıisti memlekettik organǵa saýal joldap, máseleniń jedel sheshilýine yqpal etedi.
Máselen, «Qazaqstan fotoentsıklopedııasy» jobasynyń avtorlarynyń biri V.Pronın biregeı jobany ári qaraı damytý úshin Ótinishter bólimine júgingen. Prezıdent kómekshisiniń qabyladýynan keıin birneshe kúnde QR Aqparat jáne qoǵamdyq damý mınıstrligi «Qazaqstan fotoentsıklopedııasy» merzimdi jáne jelilik basylymyn esepke qoıǵany týraly kýálik berdi.
«Fotojobanyń ózi – Qazaqstan halqynyń mádenıeti týraly sýretterdiń elektrondy banki ispettes. Munda sáýlet, tabıǵat, oqıǵalar, sport syndy kóptegen sala qamtylady. Materıaldar 16 jyl boıy jınalǵan. Túrli tehnıkalar men lıtsenzııalyq baǵdarlamalar óz qarajatymyzǵa alyndy. Ári qaraı da jumys isteý úshin tehnıkany jańartý kerek boldy. Sol úshin Prezıdentten kómek suradyq. Qoǵamdyq qabyldaýdan Aıda Balaeva bizdiń hatymyzdy oqyp, jobamyzdy zertteýge tapsyrma berdi. Mádenıet mınıstrimen onlaın konferentsııa jasaldy. Bizge BAQ retinde resmı tirkelýdi usyndy jáne barlyq qujat jyldam rásimdeldi. Bul Úkimettiń bizdiń jobany baǵalaýynyń arqasy. Alda taǵy josparymyz kóp», - dedi «Qazaqstan fotoentsıklopedııasy» jobasynyń avtory Vladımır Pronın.
Óńirlerde turatyn halyqtyń únine qulaq asyp, máselesin oń sheship bergen mysaldar kóp. Atap aıtqanda, Qyzylorda oblysynda kásipker S. Muhamedıevke aımaqtaǵy nıtrıt tuz ken ornynda óndiris ashý jobasy boıynsha kómek kórsetildi. Jobany júzege asyrý úshin oblys ákimdigi 5 gektar jer bólip, qajetti qujattardy ázirleý rásimderi bastaldy.
Sonymen birge, Ótinishter bólimi kásipkerlerdiń memlekettik organdar jumysyna degen barlyq aryz-shaǵymyna kóńil bólip otyr. Máselen, jaqynda Almaty qalasyndaǵy «Exxon corp.-10» JShS Ekonomıkalyq tergeýler departamentiniń is-áreketine shaǵymdandy. Olar JShS-ǵa qatysty asa iri kólemdegi munaı ónimderin shyqqan ornyn rastaıtyn qujattarsyz tasymaldaý, saqtaý faktisi boıynsha sotqa deıingi tergeý jumystaryn bastaǵan. Júrgizilgen sot-ekonomıkalyq saraptama nátıjesinde bıylǵy 5 maýsymda Almaty qalasynyń prokýratýrasy qylmystyq quram bolmaǵandyqtan isti toqtatýdy uıǵardy. Al Ekonomıkalyq tergeýler departamentiniń laýazymdy tulǵalaryna qatysty tártiptik shara qoldanyldy.
Prezıdent kómekshisi turǵyndar usynǵan barlyq strategııalyq bastamalardy da erekshe nazarǵa alady. Osylaısha, K.Konopıanovtyń Qazaqstannyń soltústigindegi aýyl sharýashylyǵyn damytý boıynsha jańa strategııa jasaý týraly ótinishi QR Aýyl sharýashylyǵy mınıstrligine joldandy. Óz kezeginde mınıstrlik bólimi avtorǵa AÓK damytý memlekettik baǵdarlamasyn ázirleý jónindegi jumys tobyna kirýdi usyndy.
Qıyn jaǵdaıda qalǵan azamattarǵa da Ótinishter bólimi qol ushyn sozady. Máselen, Galaı K.N. esimdi azamat uzaq jyldar boıy Máskeýde turyp, Almatyǵa qaıta oralǵan ájesi S. K. Qanaevany tirkeýge alýǵa kómek kórsetilgeni úshin alǵys aıtty.
Kóptegen oqıǵalarda Ótinishter bólimine QR Quqyqtyq keńesshiler palatasy qaýymdastyǵy úlken kómek kórsetedi. Zań keńesshileriniń saraptamalyq tujyrymdamalary eń qıyn jaǵdaılardy da anyqtaýǵa kómektesedi. Týǵan uly T. Erlanovqa qatysty sot aktilerimen kelispegen A. B. Qusaıynovanyń ótinishi egjeı-tegjeıli zerttelgen soń, Bas Prokýror sot sheshimine narazylyq bildirdi. Joǵarǵy Sot úkimdi qanaǵattandyryp, sottalýshynyń áreketi qaıta qaraldy jáne qamaýdan bosatyldy.
Ótinish berýshilerdiń máselelerin tıimdi sheshý úshin Prezıdenttiń kómekshisi tıisti memlekettik organdardyń qatysýymen jeke qabyldaý ótkizedi. Azamattyq-quqyqtyq daý-damaı men jer ýchaskesi bar turǵyn úıdi satyp alý-satý shartyn jalǵan dep tanýdy talap etý boıynsha, B.J. Tájenovanyń ótinishimen Joǵarǵy sot ókilderiniń qatysýymen ótken jeke qabyldaý ótti. Nátıjesinde Atyraý oblystyq sotynyń Azamattyq ister jónindegi alqasynyń qaýlysymen talap aryzdy qanaǵattandyrýdan bas tartý týraly sheshim joıyldy, is boıynsha talap aryzdy qanaǵattandyrý týraly jańa sheshim qabyldandy, satyp alý-satý sharty jaramsyz dep tanylyp, jer ýchaskesi bar úı ótinish berýshige qaıtaryldy.
Al qaraǵandylyq S. V. ıAkovleva qaladaǵy kólik-tehnıkalyq kolledjin jańa orynǵa kóshirý máselesimen júgingen edi. Ótinish berýshi kolledj qalanyń basqa aýdanyna kóshken soń, kólik logıstıkasyndaǵy qıyndyqtarǵa baılanysty stýdentterge jańa jerge jetý qıynǵa soǵady dep shaǵymdandy. Bul máseleni Qaraǵandy oblysynyń bilim berý basqarmasy baqylaýǵa alǵan soń, kólik-tehnıkalyq kolledjdi kóshirý jumystary toqtatyldy.
Sonymen birge, astanalyq turǵyn M. D. Ámirbekova «Kúmis alqa» ıegeri retinde kommýnaldyq turǵyn úı qorynan baspana alýǵa, materıaldyq kómek jáne jumys tabýǵa kómek surady jáne Ataýly áleýmettik kómekti ýaqytyly almaıtynyna shaǵymdandy. Memlekettik baǵdarlama aıasynda 2019 jyldyń 21 tamyzynda ol Nur-Sultan qalasy, Qoshqarbaev dańǵylyndaǵy 80/1-úıden «Kópbalaly otbasy» sanatyndaǵy úsh bólmeli páterdi (77,3 sh.m.) aldy. Sáýirden bastap kóp balaly ana aı saıyn 117 607 teńge AÁK alyp otyr.
Taǵy bir turǵyn P.I. Nııazova Ótinishter bólimine júginip, «Berekeli Baspana» baǵdarlamasy boıynsha páter kiltin alýǵa kómek surady. Memlekettik baǵdarlama aıasynda onyń otbasy 2019 jyldyń 21 tamyzynda Nur-Sultan qalasy, Qoshqarbaev dańǵylyndaǵy 80/1-úıden «Kópbalaly otbasy» sanatyndaǵy eki bólmeli páterdi aldy.
Ekibastuz qalasynyń turǵyny M.Asylbaeva óziniń múgedek balalaryna tegin glıýtensiz ónim berilmegeni úshin shaǵym túsirdi. Nátıjesinde Pavlodar oblysynyń Densaýlyq saqtaý basqarmasy emdik tamaq satyp alyp, glıýtensiz ónimderdi jetkizýge kelisimshart jasady. Tótenshe jaǵdaı kezinde bul otbasyǵa kommýnaldyq qyzmetterdi tóleýge jáne azyq-túlik jıyntyqtaryn satyp alýǵa qarjylaı kómek kórsetildi.
Aıta keteıik, QR Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi, Prezıdent kómekshisi Tamara Dúısenova karantındik shekteý sharalaryna baılanysty shaǵymdanýshy azamattarmen jáne tıisti memlekettik organ ókilderimen onlaın qabyldaý ótkizip keledi.