Turǵyndardyń indetke qarsy ımmýnıtetin kóterý jumysy aqparattyq túsindirý sharalarymen qatar júrýi kerek – Toqaev

NUR-SULTAN. QazAqparat - Turǵyndardyń indetke qarsy ımmýnıtetin kóterý jumysy tıimdi aqparattyq túsindirý sharalarymen qatar júrýi kerek. Bul týraly koronavırýs indetine qarsy is-qımyl jónindegi jıyn barysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Turǵyndardyń indetke qarsy ımmýnıtetin kóterý jumysy tıimdi aqparattyq túsindirý sharalarymen qatar júrýi kerek. Osy mańyzdy jumysqa kásibı mamandardy, jappaı ekpe salýdy qoldaıtyn belsendi azamattardy tartqan jón», - dedi Memleket basshysy.

QR Prezıdenti bul baǵytta otandyq bıznestiń ustanymy óte mańyzdy ekendigin basa aıtty.

«Óıtkeni, ujymdyq ımmýnıtet qalyptaspaı, sanıtarlyq shekteýdi tolyǵymen alyp tastaý múmkin emes. Qyzmetkerlermen jáne olardyń otbasy múshelerimen túsindirý jumysyn júrgizý qajet», - dedi Qasym-Jomart Toqaev.