Turǵyndardyń demalys aýmaqtaryna óziniń tamaǵy nemese sýsynymen kirýine tyıym salý – zańsyz

ASTANA. QazAqparat – QR Saýda jáne ıntegratsııa mınıstrligi Tutynýshylardyń quqyqtaryn qorǵaý komıtetine jazǵy demalys jáne demalys maýsymy qarsańynda tutynýshylardan demalys aýmaǵyna óziniń tamaǵy jáne sýsyndarymen kirýge tyıym salý máselesi boıynsha saýal jıi túsedi, dep habarlaıdy QazAqparat.

Osyǵan qaraı QR SIM Tutynýshylardyń quqyqtaryn qorǵaý komıtetiniń Memlekettik saıasatty qalyptastyrý basqarmasynyń basshysy Ramazan Barenov kelesini habarlaıdy: «Zańdy túrde satyp alynǵan kez kelgen sýsyndar men tamaq tutynýshynyń jeke menshigi bolyp tabylady jáne ony eshkim shekteı almaıdy (QR Konstıtýtsııasynyń 26-baby 1 jáne 3 bólikteri)».

Eger árkim bılet satyp alsa nemese onyń aýmaǵyna kirý úshin aqy tólese, tamaq pen sýsyndarmen demalys aımaǵyna erkin kirýge quqyly, óıtkeni bul jasalǵan sharttyń nysany bolyp tabylady (QR AK 394-baby).

Sonymen qatar, Tutynýshylardyń quqyqtaryn qorǵaý týraly zańynyń 8-1-b. 2-t. 3) tt. sáıkes tutynýshyǵa demalys aımaǵyna onyń ishińde tamaq pen sýsynnyń bolýyna baılanysty kirýge tyıym salýǵa jol berilmeıdi, óıtkeni bul áreket tutynýshyny onyń aýmaǵynda tamaq pen sýsyndardy qosymsha satyp alýǵa májbúrleý bolyp tabylady.

Mundaı shekteýler aýyzsha nemese jazbasha bolsyn, jaramsyz, óıtkeni olar Zańnyń joǵaryda atalǵan babynda jazylǵan.

Zańnyń 24-baby 3) tt. sáıkes, kásipker tutynýshyǵa demalys aımaǵynyń aýmaǵyna qolda bar jáne zańdy túrde satyp alynǵan barlyq múliktermen erkin kirýdi qamtamasyz etýge mindetti, eger zattar moraldyq negizderdi buzbasa jáne t.b., ásirese mundaı taýarlar demalys aımaǵynyń aýmaǵynda satylsa, mundaı tyıym salýǵa jol berilmeıdi.

Baıandalǵan quqyq buzýshylyqtyń quramy bolǵan kezde tutynýshy ÁQBtK-niń 163-babynyń 2-bóligi boıynsha josyqsyz kásipkerdi jaýapqa tartý úshin BQDA aýmaqtyq departamentine tikeleı júgine alady, oǵan sáıkes 200 AEK-ten 1500 AEK-ke deıin aıyppul kózdelgen nemese osy másele boıynsha tutynýshylardyń quqyqtaryn qorǵaý salasyndaǵy salaaralyq úılestirýshi retinde konsýltatsııa jáne quqyqtyq kómek alý úshin SIM-nyń aýmaqtyq SjTQQD júginýge bolady.

Buǵan qosa, tutynýshy basqa kásipkerlerden satyp alǵan tamaq pen sýsyndardy paıdalanýǵa tyıym salý demalys aımaǵynyń básekelestikke qarsy áreketi bolyp tabylatyndyǵyn atap ótý mańyzdy (QR Kásipkerlik Kodeksiniń 177-b. 1-t., 2-t. 6) jáne 8) tt.).

Aıta ketý kerek, qazirgi ýaqytta QR SIM Tutynýshylardyń quqyqtaryn qorǵaý komıteti josyqsyz kásipkerlerdi ákimshilik jaýapqae tikeleı tartý úshin tutynýshylardyń quqyqtaryn buzatyn nemese olarǵa qysym jasaıtyn sharttaǵy (aýyzsha nemese jazbasha) talaptar úshin ÁQBtK – ǵa sanktsııany tolyqtyrý boıynsha jumys júrgizýde, - dep qosty ol.