Turǵyndardan 120 mln teńge tartyp úlgergen qarjy pıramıdasyn uıymdastyrýshylar ustaldy

ORAL. QazAqparat - QMA aýmaqtyq deparatmenti Batys Qazaqstan oblysynda jeke tulǵalardan 24%-dan 54%-ǵa deıingi mólsherde tólemder berý ýádesimen qarajat tartqan «Life is good» jáne «Hermes» qarjy (ınvestıtsııalyq) pıramıdalaryn uıymdastyrǵan kúdikti tulǵalarǵa qatysty qylmystyq isti tergeýde, dep habarlaıdy QazAqparat.

Tartylǵan qarajat kólemi 120 mln teńgeni qurady. Qazirgi ýaqytta qarjylyq pıramıdany uıymdastyrdy degen kúdikke ilingen áıel ustalyp, sottyń sanktsııasymen eki aı merzimge qamaýǵa alyndy.

Sotqa deıingi tergep-tekserý jalǵasýda.

«Eger siz jáne sizdiń jaqyndaryńyz qarjy pıramıdasynyń áreketinen zardap shekse, QMA sall-ortalyǵyna habarlasyńyz», - dep jazdy vedomstvodan.

Eske salaıyq, Qarjylyq monıtorıng agenttigi qarjy pıramıdasy retinde áreket etedi degen kúdikke ilingen, sondaı-aq sot úkimi shyqqan uıymdardyń keńeıtilgen tizimin jarııalady.