Turǵyndar sany azaıǵan aýyldar qalpyna keltirilýi múmkin

ASTANA. QazAqparat – Ulttyq ekonomıka mınıstri Álibek Qýantyrov turǵyndar sany azaıǵan keıbir aýyldar qalpyna keltirilýi múmkin ekendigin aıtty, dep habarlaıdy QazAqparat tilshisi.

«Aýyl halqynyń 10 paıyzynan az bóligi turatyn 2,8 myń aýyl spýtnıktik nemese tirek eldi meken sanatyna jatpaıdy. Bul aýyldarda 700 myńǵa jýyq adam turyp jatyr», - dedi Álibek Qýantyrov Májilistegi Úkimet saǵatynan keıin.

Onyń aıtýynsha, turǵyndar sany edáýir azaıǵan aýyldarda jaǵdaı qıyndaý.

«Al keıbir aýyldardy qalpyna keltirip, qoldaý jasalady. Bul turǵyda osy aýyldardyń bolashaǵy óńirlerde júrgizilgen saıasatqa qatysty bolady», - dedi mınıstr.

Budan buryn habarlanǵandaı, Óńirlik standarttar júıesin ózgeris engizilip, jańa redaktsııada nysandar men kórsetiletin qyzmetterdiń tizbesi aıtarlyqtaı keńeıtildi.

2023 jyly óńirlerdiń ınjenerlik jáne kólik ınfraqurylymyn damytý úshin 14 oblys ortalyǵynda 67 bıýdjettik ınvestıtsııalyq jobany iske asyrýǵa 42,1 mlrd teńge bólindi.

Damý áleýeti bar 800 aýylǵa 200 mlrd teńge bólindi.