Turǵyndar sany 50-ge jetpeıtin 448 aýyl bar

ASTANA. QazAqparat – Qazaqstanda turǵyndarynyń sany 50-den az qalǵan 448 aýyl bar. Bul týraly «Ashyq NQA» portalynda jarııalanǵan «Qoljetimdi ıneternet» ulttyq jobasynyń mátininde aıtylǵan, dep habarlaıdy QazAqparat tilshisi.

Tsıfrlyq damý, ınnovatsııalar jáne aeroǵarysh ónerkásibi mınıstrligi usynǵan málimet boıynsha, eldegi 6290 aýyldyń 108-inde ǵana halqynyń sany 10 myńnan asady.

«Qazaqstanda halyqtyń tyǵyzdyǵy bir sharshy kılometrge 7 adamnan kem. Bul álemdegi eń tómen kórsetkishterdiń biri bolyp esepteledi. (19 mıllıon turǵyny bar, aýmaǵy boıynsha 9-oryn). Sondaı-aq aýyldyq eldi mekenderdiń Qazaqstan aýmaǵynda bytyraı ornalasýy kommertsııalyq qyzmetti baılanys operatorlary úshin ekonomıkalyq jaǵynan tartymdy emes», - delingen qujatta.

Mınıstrlik mamandarynyń aýyl halqyny sanyna sonshalyq shúıligip qaraýynda mynandaı sebep bar.

«Baılanys operatorlary úshin baılanys ınfraqurylymyn damytýǵa, onyń ishinde halyq sany 250 adamnan kem aýyldyq eldi mekenderge ınternetke qol jetkizýge ınvestıtsııa salý ekonomıkalyq turǵyda tıimdi emes», - dep jazady joba avtorlary.

Sonymen Qazaqstandaǵy 6290 aýyldyń halqynyń sany mynandaı:

1 aýyldaǵy halyq sany	A ýyl sany	Sanat boıynsha halyq sany	1 aýyldaǵy halyqtyń ortasha sany
0-49	448	12 246	27
50-249	1 713	225 675	132
250-999	2 331	1 261 896	541
1000-9999	1 690	4 300 899	2 545
10000-nan artyq	108	2 003 299	18 549
Barlyǵy	6 290	7 804 015