Turǵyn úılerdiń 3 paıyzyna ǵana kamera ornatylǵan - Bas prokýratýra

ASTANA. QazAqparat - Qazaqstanda kópqabatty turǵyn úılerdiń tek 3 paıyzy ǵana beınebaqylaý kamerasymen jabdyqtalǵan. Bul týraly búgin Zańdylyqty, quqyqtyq tərtipti jəne qylmysqa qarsy kúresti qamtamasyz etý jónindegi úılestirý keńesiniń otyrysynda Bas prokýratýranyń 2-shi Departament dırektory Qusaıyn Igembaev málim etti.

«Іshki ister mınıstrliginiń derekterine súıensek, Qazaqstanda kópqabatty turǵyn úılerdiń tek úsh paıyzy ǵana beınebaqylaý kameralarmen qamtylǵan eken. Biraq, bundaı kameralar árbir kireberiste ornatylýy kerek. Byltyr olardyń kómegimen 1 jarym myń qylmys ashyldy. Kameralar kóp bolýy úshin Qazaqtelekom óz esebinen kamera ornatý usynysyn bastap otyr. Turǵyndar azdaǵan aqsha tólep, óz páterlerin telefon arqyly baqylap otyra alady»,-deıdi Qusaıyn Igembaev.

Onyń aıtýynsha, turǵyn úılerdi beınekameramen qamtamasyz etý júıesin bıznestiń arqasynda bir izge túsirýge bolady. «Mysaly, Almaty qalasyndaǵy «Aıfon» JShS «Nursat» shaǵynaýdanyndaǵy 18 kóp qabatty turǵyn úıge beınebaqylaý kamerasyn ornatyp, ony  onlaın-rejimge qosty. Qazir turǵyndar da, polıtsııa da onlaın-rejimde óz úılerin baqylap otyr. Jáne de bul kameralardyń jumysy úshin bir páter ıesi aıyna nebári 150 teńge tóleıdi»,-dedi Qusaıyn Igembaev.