Turǵyn úıge ketetin shyǵynnyń qansha paıyzy qurylys materıaldaryna jumsalady

NUR-SULTAN. QazAqparat – Turǵyn úı qurylysyna ketetin shyǵynnyń 49%-yn qurylys materıaldary quraıdy. Bul týraly QR Básekelestikti qorǵaý jáne damytý agenttigi «QazAqparat» HAA alańynda ótkizgen bastapqy turǵyn úı naryǵyndaǵy básekelestik týraly Open Space-te aıtyldy, dep habarlaıdy QazAqparat tilshisi.

«Agenttik bir sharshy metrge jumsalatyn shyǵyndardyń ózindik baǵasy boıynsha taldaý júrgizdi. Shyǵynnyń 49%-yn qurylys materıaldary quraıdy. 10%-y – jalaqy, 9%-y – ústeme shyǵyndar, 6%-y – paıda», - deıdi QR Básekelestikti qorǵaý jáne damytý agenttiginiń tóraǵasy Serik Jumanǵarın.

Ol qandaı qurylys materıaldary shyǵynnyń negizgi bóligin alatynyn aıtty.

«Sonymen qatar, qurylys materıaldary qurylysqa ketetin shyǵynnyń shamamen 50%-yn quraıdy, búginde kirpish – 18%, temirbeton buıymdary – 17%, árleý – 11%, metall konstrýktsııalary men bólshekteri – 10%, basqa shyǵyndar – 35 %», - deıdi ol.