Turǵyn úıdi satyp alý-satý mámileleriniń sany 17,4 % ósti

NUR-SULTAN. QazAqparat - 2022 jylǵy tamyzda turǵyn úıdi satyp alý-satý boıynsha mámileler sany 35 686 qurady jáne 2022 jyldyń shilde aıymen salystyrǵanda 17,4% ósti, dep habarlaıdy Ulttyq statıstıka bıýrosynyń baspasóz qyzmeti.

Mámilelerdiń sany boıynsha Nur-Sultan jáne Almaty qalalary kósh bastap tur, tıisinshe 6 392 jáne 6 389 shart. Mámile sany eń az bolǵan óńir Ulytaý oblysy – 412. Tamyz aıyndaǵy eń úlken tómendeý Shyǵys Qazaqstan (-37,5%) jáne Almaty (-25%) oblystarynda oryn aldy, bul aımaqtardyń bólinýine baılanysty boldy. Bul rette, Qaraǵandy oblysynda mámilelerdiń sany nebári -5,7% qurady, bul mámileler sany boıynsha oblystyń jetekshi pozıtsııada bolǵanymen túsindiriledi.

Mámilelerdiń 74,3% kóppáterli úılerdegi páterler boıynsha jasalǵan, satylymdaǵy jeke úılerdiń úlesi qalǵan 25,7% qurady. Jyl basynan beri alǵash ret bir bólmeli páterler boıynsha jasalǵan sharttar sany eki bólmeli páterler suranysynan asyp tústi, tamyzda 9 789 bir bólmeli páter rásimdelgen. Ol boıynsha eń kóp mámileler Nur-Sultan (2 888) jáne Almaty (2 687) qalalarynda jasalǵan.

2022 jylǵy shilde aıymen salystyrǵanda jeke úıler boıynsha mámileler sanynyń tómendeýi ShQO (-46,6%), Almaty oblysy ( -24,6%) jáne Aqtóbe oblystarynda (2,4%) saqtaldy. Kerisinshe, alyp-satý sharttarynyń ósýi Nur-Sultan (+25,3%) jáne Almaty qalalarynda tirkeldi.

Turǵyn úıdi satyp alý-satý mámileleri týraly kestemen myna silteme arqyly tanysýǵa bolady.