Turǵyn úı jertólelerinen jylý qazandyqtaryn shyǵarýdy tez arada sheshý qajet - Qasymov

ASTANA. QazAqparat - Turǵyn úı jertólelerinen jylý qazandyqtaryn shyǵarý máselesin tez arada sheshý qajet. Bul týraly búgin Úkimettiń selektorlyq rejimdegi otyrysynda QR Іshki ister mınıstri Qalmuhambet Qasymov málim etti, dep habarlaıdy QazAqparat.

Mınıstrdiń alǵa tartqan derekterine qaraǵanda, sońǵy alty jyldyń ishinde elimizde qazandyqtyń jarylýy 28 ret tirkelip, 17 adam qaza tapsa, 27 adam jaraqat alǵan.

«Olardyń barlyǵy da jylý júıesin qaýipsiz paıdalanýǵa zańnamalyq deńgeıdegi baqylaýdyń bolmaýynan oryn aldy. Erterekte, memlekettik basqarý deńgeıleri arasynda ókilettikti bólý máseleleri boıynsha zań qabyldanǵanǵa deıin TKSh nysandarynda qaýipti tehnıkalyq quraldardy paıdalanýǵa  baqylaý jasaýdy Indýstrıaldy damý jáne ónerkásiptik qaýipsizdik komıteti júzege asyrǵan bolatyn. Qazirgi ýaqytta mundaı baqylaý jergilikti atqarýshy organdardyń quziretine kiredi. Komıtette ónerkásiptik nysandarǵa ǵana ruqsat berý qyzmeti qalyp otyr. Sondyqtan mundaı faktilerdiń oryn alýyna jol bermeý maqsatynda ony  zańnamalyq tártippen retteý nemese bul qyzmetti ókiletti organǵa qaıta berý qajet dep sanaımyz. Buǵan qosa, jergilikti atqarýshy organdar kóppáterli turǵyn úılerdiń barlyq jylý berý júıesine tekserý júrgizýi tıis jáne ǵımarattardan qazandyqtardy shyǵarý máselesin múmkindiginshe shuǵyl sheshýleri qajet», - dedi Qasymov.