Turǵyn úı jaldaý sýbsıdııasy: Jalǵa alatyn baspananyń aýdany qansha bolýy kerek

NUR-SULTAN. QazAqparat – Turǵyn úı jaldaý sýbsıdııasy arqyly arendaǵa alynatyn páterdiń aýdany otbasyndaǵy adam sanyna sáıkes belgilenedi. Bul týraly «Otbasy bank» aktsıonerlik qoǵamy ortalyq fılıalynyń dırektory Jansultan Mataı «Habar» telearnasyndaǵy «Búgin» baǵdarlamasynda aıtty, dep habarlaıdy QazAqparat tilshisi.

«Baǵdarlamanyń ishinde taǵy bir shart bar. Otbasyndaǵy adamdardyń sanyna sáıkes, jalǵa alatyn páterdiń aýdany bar. Sýbsıdııaǵa qol jetkizý jaldaıtyn uıdiń aýdany sodan asyp ketpeý kerek. Otbasyndaǵy adam sany 1-den 3 janǵa deıin bolsa, 40 sharshy metr sýbsıdııalanady. 4 pen 5 adam bolsa, 60 sharshy metr, 6 adamnan kóp bolsa, 80 sharshy metrden aspaıtyn páter sýbsıdııalanady», - dedi «Otbasy bank» ókili.

Sondaı-aq, ol jalǵa berýshi men alýshy arasyndaǵy kelisimshartty qoldan jasap usyný múmkin emes ekenin de eskertti.

«ıAǵnı, otbasy adam sanyna sáıkes páter izdeıdi. Páter ıesimen kelisimshart bir jylǵa jasalady. Ol kelisimshart jergilikti Ádilet basqarmasynda tirkeýge túsýi kerek», - dedi Jansultan Mataı.

Atalmysh baǵdarlamada turǵyn úı jaldaý sýbsıdııasyna ótinish qalaı qabyldanatyny aıtyldy.

Aıta keteıik, jańa turǵyn úı saıasatynyń aıasynda elimizde 70 myńnan astam adamnyń turǵyn úı jaldaý shyǵynyn memleket jartylaı sýbsıdııalamaqshy.