Turǵyn úı sýbsıdııasy: 1 sharshy metrdi jaldaý quny neshe teńgeden aspaýy kerek

NUR-SULTAN. QazAqparat – «Otbasy bank» aktsıonerlik qoǵamy ortalyq fılıalynyń dırektory Jansultan Mataı turǵyn úı jaldaý sýbsıdııasynyń aıasynda 1 sharshy metr baspanaǵa neshe teńge tólenetinin aıtty, dep habarlaıdy QazAqparat tilshisi.

«Sýbsıdııa arqyly jalǵa alynatyn páterlerdi jaldaý quny belgilengen. Bul jerde ádiletti bolý úshin Indýstrııa jáne ınfraqurylymdyq mınıstrliginiń tarapynan ár qalaǵa baılanysty koeffıtsıentter jasaqtalyp jatyr. Zań jobasy bar, biraq áli bekigen joq», - dedi Jansultan Mataı «Habar» telearnasyndaǵy «Búgin» baǵdarlamasynda.

Onyń sózine qaraǵanda, bul shama jalǵa alynatyn páterdiń qaı qalad ornalasqanyna baılanysty belgilenbek.

«Qazirgi joba boıynsha bir sharshy metrdiń quny aılyq eseptik kórsetkishke (AEK) tikeleı baılanysty bolady. Búgingi tańda 1 AEK 3063 teńge bolsa, Nur-Sultan qalasy boıynsha 1,11 koeffıtsıent qoıylady. ıAǵnı, jańaǵy aılyq eseptik kórsetkishti soǵan bólgen kezde Nur-Sultan qalasyndaǵy 1 sharshy metrdiń quny 2759 teńgeniń shamasynda shyǵyp otyr. 40 sharshy metrge kóbeıtsek, bir bólmeli páterdiń jaldaý quny 110 myń teńgeden aspaýy kerek. Osy somanyń jartysyn otbasy óz tóleıdi, jartysyn úkimet ózi ótep beredi. Al 3 bólmeli úıdi jaldasa, bul jerde 220 myńnyń shamasynda bolyp tur. ıAǵnı, 220 myń teńge kelisimshart jasalýy kerek, sonyń 110 myń teńgesin memleket sýbsıdııalaıdy», - dedi «Otbasy bank» ókili.

Baǵdarlama barysynda qazir Nur-Sultan qalasnyda 40 sharshy metr páterdiń jaldaý quny 110 myń teńgeden áldeqaıda joǵary ekeni aıtyldy.

Joba avtorlarynyń aıtýynsha, páter jaldaý quny osy mólsherde bolý kerek degen talap joq.

Bul shek memleket tóleıtin sýbsıdııanyń mejesin anyqtaý úshin belgilenbek.