Turǵyn úı saıasaty: Praıs-paraqtardyń ornyna smetalyq baǵa anyqtamalary engiziledi

NUR-SULTAN. QazAqparat – Memleket bıýdjetine salynatyn turǵyn úılerdiń qurylys shyǵyny onlaın kalkýlıatordyń kómegimen retteledi. Úkimet otyrysynda Indýstrııa jáne ınfraqurylymdyq damý mınıstri Qaıyrbek Óskenbaev osyndaı usynys kóterdi, dep habarlaıdy QazAqparat tilshisi.

«Memlekettik jáne kvazımemlekettik sektorlardyń ınvestıtsııalarynyń qatysýymen bir ǵana obektilerdiń qunyn arttyrýdy boldyrmaý úshin memlekettik saraptama portalynda onlaın-kalkýlıator (epsd.kz) engize otyryp, qurylysqa jumsalatyn shyǵyndardyń shekti lımıtteri belgilendi. Praıs-paraqtardyń ornyna biregeı smetalyq baǵalar, smetalyq baǵalardyń anyqtamalary ázirlenedi», - dedi mınıstr

Onyń sózine qaraǵanda, bul tetikter óńirler boıynsha birdeı obektilerdi salý qunynyń aýytqýyna, sondaı-aq jobalaý jáne jobalaý-smetalyq qujattamany saraptaý kezeńderinde jobalardyń smetalyq qunynyń artýyna jol bermeýi kerek», - dedi Qaıyrbek Óskenbaev.