Turǵyn úı lıftin aýystyrý jergilikti ákimder quzyryna beriledi
Bul týraly QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev málimdedi.
«Páter ıeleri kooperatıvine, lıft jumysyna kóp turǵyndardyń kóńili tolmaıdy. Sondyqtan salynyp jatqan úıler erte tozbas úshin jańa zań jobasynda kóptegen usynystar engizildi jáne ákimdikterge kóbirek quqyq berip otyrmyz. Qazir ár úı jekemenshik jáne ony retke keltirýge ákimdikter jergilikti qarjyny jumsaı almaıdy. Lıftige baılanysty elimizde túrli qaıǵyly oqıǵalar boldy. Sol máseleni sheshý úshin normatıvterge ózgeris engizdik, Qazaqstanǵa qandaı lıftiler ákelinedi, onyń jóndeý jumystary qalaı júrgiziledi degen suraqtar naqtylandy. Lıftini aýystyrý nemese jóndeý óte qymbatqa shyǵady, ol úshin PIK ár turǵynnan 100-500 myń teńgeden jınaı almaıdy. Sondyqtan ákimdikter turǵyndarmen kelisimshart bekitip, jergilikti bıýdjetten lıft aýystyryp, aqysyn 15-20 jylǵa bólip tóleýge múmkindik beredi. ıAǵnı, turǵyndarǵa aýyr júk túspeıdi jáne eń bastysy qaýipsizdikpen qamtamasyz etedi», - dedi Qaıyrbek Óskenbaev QR Parlamenti Senatynda turǵyn úı-kommýnaldyq sharýashylyq máseleleri týraly zań jobasyn tanystyrý kezinde.
Onyń aıtýynsha, kondomınıým nysanyndaǵy ortaq múlikke kúrdeli jóndeýdi qarjylandyrý mehanızmi engiziledi. Bul mehanızm turǵyn úı jáne ózge de úı-jaı ıeleriniń qor jınaý jáne ekinshi deńgeıli bankten qaryz alýyna negizdelgen. Bul rette qaryz alýshynyń oryndamaǵan mindettemeleri boıynsha ekinshi deńgeıli bankterge kondomınıým nysanyn kúrdeli jóndeý úshin alǵan turǵyn úı qaryzyn arnaıy kúrdeli jóndeýge kepildik berý qory tóleıdi.
Zań jobasynda basqarý organdarynyń ashyqtyǵyn arttyrýǵa jáne úı-jaı ıeleriniń kondomınıým obektisin basqarý organy tarapynan baqylaýdy qamtamasyz etýge, turǵyn úı qatynastary sýbektileriniń ózara is-qımylyn jaqsartýǵa baǵyttalǵan standarttar usynylǵan. Sonymen birge, zań jobasynda turǵyn úı-qurylys kooperatıvin qurý, júzege asyrý jáne qyzmetin toqtatý tártibi, múshelik sharttary jáne jarǵy mazmuny belgilengen.