Turǵyn úı qurylysyna qatysatyn úleskerlerdiń táýekelderi barynsha azaıtylady - UEM
«Qujat jalpy alǵanda turǵyn úı qurylysy salasyna halyqtyń qarajatyn tartý arqyly úleskerlerdiń táýekelderin barynsha azaıtýǵa baǵyttalady. Bul rette turǵyn úı qurylysynyń úlestik qatysýyna jańa tásilder belgilenedi. Birinshiden, turǵyn úı qurylysyna úlestik qatysý boıynsha kepildikter berý kózdeledi. Ekinshiden, ekinshi deńgeıli bankter arqyly jobany qarjylandyrýy, úshinshiden, turǵyn úı qańqasyn qurylys salýshynyń jeke qarajatyna turǵyzý», - dedi Ulttyq ekonomıka vıtse-mınıstri Marat Qusaınov.
Onyń aıtýynsha, birinshi tásil boıynsha qurylys salýshy ýákiletti qompanııa qurady. Sosyn onyń jarǵylyq kapıtalyna jer ýchaskesin, jobalaý, smetalyq hattamany, qarajat nemese jobalyq qunynan 10-15 paıyzdyq kólemde aıaqtalmaǵan qurylysty kirgizedi.
«Bul rette qurylys salýshyda respýblıkalyq mańyzy bar qalalar men Astanada keminde 18 myń sharshy metr, óńirlerde 9 myń sharshy metr turǵyn úıler salý jáne keminde úsh jyl ǵımaratty salý tájirıbesi bolýy kerek. Sońǵy eki qarjy jylyndaǵy qyzmeti de shyǵynsyz bolýy shart. Budan basqa, qaryzdyq jáne menshikti kapıtalda araqatystylyǵy jeti paıyzdan aspaýy kerek», - dedi M. Qusaıynov.