«Turǵyn úı qurylys jınaqbankiniń» 200 myńǵa tarta salymshysy ótemaqydan qaǵylýy múmkin
Eske sala keteıik, bankpen salymshylar arasynda ótemaqy boıynsha qosymsha kelisimsharttar jasasý 2016 jyldyń 8 aqpanynan bastalǵan bolatyn. Osy úderiske berilgen 114 kúntizbelik kúndi esepke alǵanda kún saıyn orta eseppen 4096 qosymsha kelisimsharttar jasalýy kerek bolatyn. Alaıda, búgingi kúni qabyldanyp jatqan ótinimderdiń ortasha sany eki jarym myńnan aspaıdy.
«Turǵyn úı qurylysjınaq bankimen» qosymsha kelisimsharttar jasaý merzimi 2016 jyldyń 1 maýsymynda aıaqtalatynyn eskersek, onda josparlanǵan kelisimsharttardyń tek jartysyna ǵana qol qoıylýy múmkin», - delingen baspasóz baıanynda.
Atap aıtqanda, Qaraǵandy oblysy boıynsha ótemaqy tóleýge jatatyn 31 433 depozıtterdiń 5970-ine ǵana qosymsha kelisimsharttar jasalǵan. Aqtóbe oblysynda - 32 490 salymshynyń 7843-i, Atyraý oblysynda - 17 479 salymshynyń 3070-i, Almaty qalasynda - 56 295 salymshynyń 13 188-i, Astana qalasynda - 62 049 salymshynyń 18 160-y ǵana qosymsha kelisimsharttar jasasqan.
«Eger depozıtter somasyna shaǵa qarastyrsaq, 1 mln. teńgege jetpeıtin 352 860 jáne 1 mln. teńgeden joǵary 26 515 salym boıynsha kelisimsharttar jasalmaı otyr. Osylaısha, búgingi tańda ótemaqy maqsatynda bólingen 21 mlrd teńgeden astam somaǵa suranym bolmaýy múmkin. «Turǵyn úı qurylys jınaq banki» bastapqy kezden 467 myń kelisimshart boıynsha ótemaqy tólenetinin jarııalaǵan bolatyn. Onyń ishinde salym mólsheri 1 mln. teńgeden asatyn salymshylar da qamtylǵan edi. Ótemaqy tóleýge jatatyn salym somasy qazirgi kúni 153,1 mlrd teńgeni qurap otyr. Osyǵan baılanysty salymshylar belgilengen merzim ishinde bankpen qosymsha kelisimsharttar jasap úlgerýi kerek. Bul rette protsedýrany onlaın-rejımde elektrondyq-tsıfrlyq qoltańbany paıdalana otyryp júzege asyrýǵa bolady (www.egov.kz nemese banktiń resmı saıty www.hcsbk.kz)», delingen baspasóz baıanynda.