Turǵyn úı qurylys jınaq banki: Folgadan jasalǵan esik týraly aqparat jalǵan

ASTANA. Qazaqparat - Turǵyn úı qurylys jınaq bankiniń baspasóz hatshysy Aıbar Oljaev Kókshetaýda jańa qurylysta ornatylǵan, ońaı julyp alynatyn esik týraly beınerolıktiń jalǵan ekendigin habaralady, dep habarlady «QazAqparat» HAA tilishisi.

«Turǵyn úı jınaq banki jelisi boıynsha Kókshetaýdaǵy úılerge salynǵan esikterdi, qolmen julyp alý múmkin emes. Naýryzǵa qaramastan, Saryarqa aýdanyna túngi reıd júrgizgen Kókshetaý fılıalyndaǵy áriptesterime rahmet», dep jazdy Feısbýkte Aıbar Oljaev.

Dálel retinde ol reıdte túsirgen vıdeony qosa berdi.

Budan buryn Ytro.ru-da Qazaqstanda josyqsyz qurylysshylar jańa qurylystardyń birine páterge kireberis esikti qolmen julyp alýǵa bolatyn juqa metall tabaqshasynan ornatqany habarlanǵan. Internette jarııalanǵan vıdeoda kýáger folga sııaqty esikti julyp alyp, qurylysshylardyń áreketin áshkerelep jatqany anyq kórinedi.