Turǵyn úı-kommýnaldyq sharýashylyǵyn jańǵyrtý jumystary múldem qanaǵattanarlyqsyz - Premer-Mınıstr

ASTANA. 5 qarasha. QazAqparat - Búgin Úkimet otyrysynda QR Premer-Mınıstri Serik Ahmetov turǵyn úı-kommýnaldyq sharýashylyǵyn jańǵyrtý jumystaryn jandandyrýǵa qatysty birqatar tapsyrma júktedi.

Bul rette Úkimet basshysy eń aldymen memlekettik-jekemenshik áriptestik tetigin paıdalaný qajettigin eskertti.

«Turǵyn úı-kommýnaldyq sharýashylyǵyn jańǵyrtý jumystary múldem qanaǵattanarlyqsyz júzege asyrylyp jatyr. Bul jaıynda tipti kez kelgen qazaqstandyq telearnalardaǵy baǵdarlamalardan-aq baıqaýǵa bolady», - dedi Úkimet otyrysynda Serik Ahmetov.

Osyǵan oraı, Premer-Mınıstr atalmysh jumysqa bıznes-qurylymdardy tartýdyń qajettiligin atap ótti. «Bıznestiń tájirıbesin osy salaǵa jumyldyrýymyz kerek», - dedi Úkimet basshysy.

«Jalpy, osy jáne basqa da baǵyttar boıynsha Óńirlik damý mınıstrligine jumysty belsendi ete túsýdiń qajettiligin eskertip ótkim keledi. Soǵan oraı, osy máselemen sonaý qurylys isteri jónindegi agenttik qurylǵannan bastap aınalysyp kele jatqan Serik keńesuly Nokınge sógis jarııalaımyn», - dedi S. Ahmetov.