Turǵyn úı-kommýnaldy sharýashylyq salasynda jańa standarttar ázirlenip jatyr

ASTANA. QazAqparat - «Turǵyn úı qatynastary týraly» zańǵa sáıkes elimizde kóppáterli turǵyn úıdi múlik ıeleri birlestigi (MIB) basqarady. Al olardyń qyzmeti belgili bir ulttyq standarttarǵa negizdelýge tıis, dep habarlaıdy QazAqparat.

«2023 jyly ázirlenýge josparlanǵan qujattardyń jartysyna jýyǵy áleýmettik salany damytýǵa baǵyttalǵan. Máselen, TKSh salasynda kóppáterli úıdi kúrdeli jóndeý, turmystyq qaldyqtardy jınaý, áketý jáne basqa talaptardy belgileıtin 6 ulttyq standart ázirlenedi», - deıdi «QazStandarttyń» bas dırektory Ǵabıt Muhambetov.

Standarttar tizimi:

- Turǵyn úı-kommýnaldyq sharýashylyq qyzmetteri. Termınder men anyqtamalar.

- Turǵyn úı-kommýnaldyq sharýashylyq qyzmetteri. Kondomınıým obektisin basqarý qyzmetteri. Jalpy talaptar.

- Turǵyn úı-kommýnaldyq sharýashylyq qyzmetteri. Kondomınıým obektisiniń ortaq múlkin kútip-ustaý jónindegi qyzmetter.

- Turǵyn úı-kommýnaldyq sharýashylyq qyzmetteri. Kóppáterli úılerdiń ortaq múlkin kúrdeli jóndeý qyzmetteri. Jalpy talaptar

- Turǵyn úı-kommýnaldyq sharýashylyq qyzmetteri. Kommýnaldyq qyzmetter. Jalpy talaptar.

- Turǵyn úı-kommýnaldyq sharýashylyq qyzmetteri. Turmystyq qaldyqtardy jınaý jáne áketý qyzmetteri. Jalpy talaptar.

Mysaly, «Kóppáterli turǵyn úıdiń ortaq múlkin basqarý jáne kútip ustaý jónindegi qyzmetter» standartyn ázirleý MIB tóraǵasymen jasalǵan shart sheńberinde servıstik uıymdar kórsetetin qyzmetterdiń sapasyn arttyrýǵa múmkindik beredi jáne turǵyndarmen quqyqtyq qatynasqa negiz bolady.