Turǵyn úı kezegi tártibin buzý jaǵdaıy barlyq óńirde bar – agenttik
«Turǵyn úı berý boıynsha kezekte turǵandar tizimin jasaýǵa baılanysty máseleler jetkilikti deńgeıde rettelmeı jatyr. Kezek boıynsha ótinishter elektrondy túrde «E-gov» portaly nemese HQKO arqyly qabyldanady. Osyǵan qaramastan ákimdikter ózderi kezekti Excel nemese Word kesteleri nysanynda qolmen júrgizedi. Bul kezekti manıpýlıatsııalaý múmkindikterinde, naqty tulǵalarǵa artyqshylyq berip, ózge de sybaılas jemqorlyq táýekelderine sózsiz jaǵdaı jasaıdy. Sonymen qatar, bul jaǵdaı bir adamǵa birneshe ótinish jasaýǵa múmkindik beredi. ıAǵnı, bir adam birneshe ret kezekke tura alady, bul kútken adamdardyń sanyn jasandy túrde arttyrady», - dedi Anar Jarova.
Onyń aıtýynsha, ákimdikter kommýnaldyq turǵyn úı qorynan páter alýǵa nemese jeke turǵyn úı qoryna jalǵa berýdiń sanat boıynsha jeke tizimin júrgizedi. Zańǵa sáıkes, myna sanattaǵy adamdarǵa úı berilýi kerek. Olar: ekinshi dúnıejúzilik soǵysynyń qatysýshylary men múgedekteri, jetim balalar, ata-ana qamqorlyǵynsyz qalǵan balalar, «Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, sondaı-aq І jáne ІІ dárejeli «Ana dańqy» ordenderimen marapattalǵan kópbalaly analar, kópbalaly otbasylar, halyqtyń áleýmettik osal toptary jáne memlekettik qyzmetshiler, bıýdjettik uıymdar qyzmetkerleri, áskerı qyzmetshiler, ǵaryshkerlikke kandıdattar, ǵaryshkerler, arnaýly memlekettik organdar qyzmetkerleri jáne memlekettik saılanbaly qyzmet atqaratyn adamdar, jalǵyz turǵyn úıi apattyq jaǵdaıda dep tanylǵan azamattar.
«Bir kezekten ekinshisine aýystyrý rásimi zańnamalyq túrde rettelmegen. Bul ártúrli tájirıbeni týyndatyp, sybaılas jemqorlyq kórinisterine jaǵdaı jasaıdy. Sondaı-aq, kezekten alynǵan azamattardy habardar etý, kezekti qalpyna keltirý rásimderi reglamenttelmegen. Sońǵy rásim jasyryn memlekettik qyzmettiń barlyq belgilerine ıe jáne Memlekettik qyzmetter tiziliminde normatıvtik bekitýdi talap etedi. «Turǵyn úı qatynastary týraly» zań talaptaryna sáıkes, jergilikti atqarýshy organdar merzimdi baspasóz basylymdarynda turǵyn úıge muqtaj, turǵyn úı alǵan adamdardyń tizimin, olardyń kezektiligin kórsete otyryp, bólek esepke alý tizimderin jarııalaýǵa mindetti», - dedi ol.
Alaıda taldaý júrgizý kezinde bul talaptardy barlyǵy oryndamaǵany anyqtalǵan.
«Mysalǵa, Oral ákimdigi joǵaryda atalǵan tizimderdi baspa basylymdarynda jarııalamaǵan, al Petropavl ákimdigi jarııalaǵan tizimde kezekke qoıylǵan kúnin kórsetpegen. Uqsas jaǵdaı barlyq jerde oryn alǵan», - dedi Anar Jarova.