Turǵyn úı ınfraqurylymyn nyǵaıtý baǵytynda birqatar bıýdjet qarajatynyń ıgerilmeý qaýpi týyp otyr

ASTANA. QazAqparat - «Nurly jol» baǵdarlamasynyń «Turǵyn úı ınfraqurylymyn nyǵaıtý» baǵyty boıynsha birqatar qarajattyń jyl sońyna deıin ıgerilmeý qaýpi týyp otyr. Búgin Premer-Mınıstr Kárim Másimovtyń jetekshiligimen ótip jatqan Úkimet otyrysynda «Nurly jol» memlekettik ınfraqurylymdy damytý baǵdarlamasynyń júzege asyrý barysy boıynsha boıynsha baıandama jasaǵan Ulttyq ekonomıka mınıstri Erbolat Dosaev osylaı málim etti.

Mınıstrdiń málimetine qaraǵanda, baǵdarlamanyń «Turǵyn úı qurylysyn damytý» baǵytynda baspanalar satyp alý men ınjenerlik jelilerdiń qurylysyna 140 mlrd.teńge bólingen. Onyń ishinde «Baıterek» holdıngine arendalyq baspana salýǵa 92,5 mlrd.teńge qarastyrylǵan. «Baǵdarlamynyń osy baǵyty boıynsha jyl sońyna deıin 355,5 mln. teńge somasyndaǵy qarajat ıgerilmeı qalý qaýpi týyndap otyr. Sonyń ishinde 200 mln. teńge bul Shyǵys Qazaqstan oblysy, al 155,5 mln. teńge Batys Qazaqstan oblysy boıynsha ıgerilmeý táýekeli týyndaıdy», deıdi E. Dosaev. Budan bólek, arendalyq baspananyń qurylysy úshin ınjenerlik-kommýnıkatsııalyq ınfraqurylymdy salýǵa 17,5 mlrd. teńge bólingen, sonyń ishinde 14 mlrd. teńgesi nemese 80 paıyzy ıgerilgen. Bul baǵytta da ıgerilmeı qalý táýekeli 483 mln. teńge somasynda týyndaıdy. «Kesteden qalýyna baılanysty jáne turǵyn úı nysandarynyń berilýi boıynsha Astana jáne Almaty qalalarynda problema bar. Osy ákimdikter baspanany engizýdiń jyldyq kórsetkishterin sapaly josparlaýdy qamtamasyz etýleri jáne Ulttyq qordan bólingen qarajatty tolyǵymen ıgerýdi qamtamasyz etýleri tıis», dedi E. Dosaev.