«Turǵyn úı baǵasy tómendep keledi» - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 10 maýsym, sársenbi kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

***

«Egemen Qazaqstan» gazetiniń jazýynsha, keshe Astanada Álemdik jáne dástúrli dinder lıderleri sezi Hatshylyǵynyń XIV otyrysy ótti. Oǵan Parlament Senatynyń Tóraǵasy, Álemdik jáne dástúrli dinder lıderleri sezi Hatshylyǵynyń Basshysy Qasym-Jomart Toqaev tóraǵalyq etti. Memleket basshysy Nursultan Nazarbaevtyń bastamasymen ómirge kelgen Álemdik jáne dástúrli dinder lıderleriniń sezi Hatshylyǵynyń kezekti, ıaǵnı XIV otyrysy V sezge daıyndyq jumystaryn qorytyndylaýǵa arnaldy. Al jıynǵa ıslam, hrıstıan, ıýdaızm, býddızm jáne ındýızm syndy birqatar dinderdiń ókilderi men halyqaralyq uıymdardan shaqyrylǵan tulǵalar qatysty. Otyrysta terrorızm men ekstremızmniń zardaptary, ultaralyq jáne konfessııaaralyq tatýlyq pen kelisimdi nyǵaıtý máseleleri keńinen sóz boldy. Jıyndy ashqan Qasym-Jomart Toqaev qatysýshy mártebeli qonaqtardy tanystyra kelip: - «Búgingi jıyn Álemdik jáne dástúrli dinder lıderleriniń V sezi aldyndaǵy daıyndyq jumystaryn pysyqtap, qorytyndylaýdy maqsat etedi. Osy sátti paıdalana otyryp, Álemdik jáne dástúrli dinder lıderleriniń sezine laıyqty ári janjaqty qoldaý bildirip kele jatqan barshańyzǵa shyn júrekten alǵysymdy bildiremin», - dedi. Osy jaıynda «Ózara únqatysýdyń qajettiligin ótken ýaqyt dáleldedi» degen maqaladan tolyq oqı alasyzdar.

Bas basylymda «Monoqalalardy damytý sharalary qaraldy» atty maqala kópshilik nazaryna usynylyp otyr. Keshe Premer-Mınıstrdiń birinshi orynbasary Baqytjan Saǵyntaev monoqalalardy damytý máseleleri boıynsha selektorlyq keńes ótkizdi. Qazirgi ýaqytta respýblıkamyzda jalpy halyq sany 1,5 mln. adam bolatyn 27 monoqala bar. 2012-2014 jyldary Monoqalalardy damytý baǵdarlamasynyń is-sharalaryn júzege asyrýǵa respýblıkalyq bıýdjetten 48,4 mlrd. teńge bólingen. Aǵymdaǵy jyldan bastap monoqalalardy damytý 2020 jylǵa deıin Óńirlerdi damytýdyń biryńǵaı baǵdarlamasy aıasynda júzege asyrylady. Monoqalalardy damytýdyń keshendi josparlaryna sáıkes respýblıkalyq bıýdjetten 2015 jylǵa 16,6 mlrd. teńge, jergilikti bıýdjetten 7,7 mlrd.teńge bólý qarastyrylǵan. Monoqalalarda ShOB-ty yntalandyrý nesıeleri boıynsha 10%-ǵa deıin paıyzdyq mólsher­lemelerdi sýbsıdııalaý, mıkronesıeler, sondaı-aq, jańa óndirister qurýǵa 3 mln. teńgege deıin bólý túrinde memlekettik qoldaý tetikteri júzege asyrylady. Atalǵan baǵyt aıasynda respýblıkalyq bıýdjetten 2013-2014 jyldary 8 175,5 mln. teńge bólingen, al 2015 jylǵa 2 979 mln. teńge qarastyrylǵan.

***

Esterińizde bolsa, aqpan aıynda Ekonomıka jáne bıýdjetti josparlaý mınıstri Erbolat Dosaev: «Turǵyn úı baǵasynda ózgeris bolady. Biraq kóp mólsherde ózgeris bolady dep aıta almaımyn. Sebebi, satylyp jatqan páterler joq», - degen bolatyn.

«Bul oıdy osy salany zerttep júrgen otandyq sarapshylar da qýattady. Mamandar memlekettik turǵyn úı baǵdarlamalarynyń qarqyndy iske asýy men baǵanyń sharyqtaý shegine jetýi turǵyn úı baǵasyn tómendetpeı qoımaıtynyn aıtqan. Mine, sol aıtqandary aıdaı kelip, turǵyn úı baǵasy tómendeı bastady»,-dep jazady «Aıqyn» gazeti búgingi sanyndaǵy «Turǵyn úı baǵasy tómendep keledi» atty maqalasynda.

Osy basylymda KSRO áskerı medıtsına qyzmetiniń doǵarystaǵy maıory Júnisov Tóleýbaı Júnisulymen aradaǵy suhbat berilgen. «Afrıkanyń ońtústik-batysyndaǵy Angolada bolyp qaıtqan qazaq balasy áli de ilýde bireý ǵana. Bizdi KSRO áskerı medıtsına qyzmetiniń doǵarystaǵy maıory Júnisov Tóleýbaı Júnisulymen áńgimelesýge jetelegen osy fakti edi. Onyń ústine keńes áskeriniń shekteýli kontıngentiniń Aýǵanstannan shyǵarylǵandyǵyna bıyl - 26 jyl. Shırek ǵasyrǵa jýyq KSRO Qarýly kúshteriniń qatarynda abyroıly qyzmet etip, Aýǵanstan men Angoladaǵy soǵystardyń ot-jalynynan aman shyqqan Tóleýbaı aǵanyń óńirinde búginderi «Minsiz qyzmeti úshin», «Aýǵan halqynan alǵys», «Jaýyngerlik eńbegi úshin» sekildi 11 medal jarqyraıdy», - dep jazady avtor. Bul suhbat «Aýǵanstannan keıin Angola jumaqtaı kórindi» degen taqyryppen jarııalandy.

***

«Ekspress-K» gazetiniń búgingi sanynda «Ýıýt-kampanııa» degen maqala berilgen.

Danııanyń tanymal sáýletshisi ıAn Geıl Almatyny adamdar úshin jaıly qalaǵa aınaldyrýǵa ýáde berýde. Onyń pikirinshe, adamdar kóp turatyn megapolısterdiń ózin yńǵaıly ári jaıly etip jasaýǵa bolady. Osy oraıda ol Almatyda jaılylyqtyń jasyl aımaqtaryn qurý arqyly qol jetkizýge bolatyndyǵyn alǵa tartýda. Osyndaı oryndardyń qurylysyna qala bıligi 800 mln. teńge bólgen kórinedi. Qala turǵyndary úshin demalys oryndary adamdar kóp jınalatyn jerlerde paıda bolmaq. Geıldiń paıymynsha, oryndyqtarmen jáne sáýlettik beınelermen jabdyqtalǵan osyndaı aımaqtar almatylyqtardyń súıikti demalys oryndaryna aınalmaq.

Aıta keteıik, ol London, Melbýrn, Sıdneı, Nıý-Iork jáne Máskeý sekildi iri qalalardyń dızaınyn ózgertýmen jumys istegen.