Turǵylyqty jerine tirkelmegen azamattarǵa aıyppul salynady - ІІM
«Zań boıynsha árbir azamat ol jeke turǵyn úı bolsyn, jalǵa beriletin nemese turaqty turatyn basqa turǵyn úı bolsyn ózi turatyn jerde tirkelýi kerek. Áıtpese, turǵylyqty jeri boıynsha turaqty tirkeýi joq adamdarǵa memlekettik qyzmetterdi jáne jeke basyn kýálandyratyn qujattardy rásimdeýdi qosa alǵanda, basqa da qyzmetterdi paıdalaný kezinde shekteýler qoldanylady. Azamattardyń turǵylyqty jeri boıynsha turaqty nemese ýaqytsha tirkeýsiz turǵany úshin Ákimshilik quqyq buzýshylyq týraly kodekstiń 492-babynda 7 aılyq eseptik kórsetkish mólsherinde aıyppul salýǵa deıingi jaýapkershilik kózdelgen. Bul búgingi kúni 21 myń teńgeni quraıdy», - dedi ol mınıstrliktiń baspasóz qyzmeti alańynda ótken brıfıngide.
Osyǵan baılanysty Іshki ister mınıstrliginiń Kóshi-qon qyzmeti komıteti barlyq azamattardy zańǵa baǵynýǵa shaqyrady.
«Menshik ıesi sizdi tirkeýden shyǵaryp tastaǵan joq pa, únemi tekserip otyryńyz. Tirkelgen jerińizdi qarańyz. Eger Siz turǵylyqty jerińizdi ózgertken bolsańyz, onda siz jańa turǵylyqty meken-jaıǵa tirkelýińiz kerek. Bul basqa qaladan kelgen stýdentterge de qatysty. Siz ózińizdiń oqý ornyńyzǵa tirkelýińiz kerek. Muny múmkindiginshe tez arada jasańyz. Tirkeýdi tekserý jáne tirkelýdi óte qarapaıym tásildermen iske asyrýǵa bolady: Birinshisi, HQKO-nyń kez kelgen bólimshesine jeke kýálikpen barý, sondaı-aq sol jerde kelisim berý úshin turǵyn úı ıesiniń qatysýy jetkilikti. Ekinshisi - azamat turǵylyqty jeri boıynsha «elektrondyq úkimettiń« ınternet-portaly arqyly tirkeýge ótinish bere alady, al úıdiń ıesi egov portaly arqyly da kelisim bere alady. Turǵylyqty jeri boıynsha tirkelýdiń úshinshi jeńil ádisin Іshki ister mınıstrligi Halyq bankimen birge Appstore men PlayMarket arqyly júkteýge bolatyn banktiń mobıldi qosymshasynda júzege asyrdy. Osy qosymsha arqyly jeke basyn rastaý, tirkeý jáne ıesiniń kelisimi SMS-parol arqyly júzege asyrylady. Tirkeý protsedýrasy shamamen bir mınýtty alady», - dedi Shuǵyla Turlybek.