Turǵylyqty tirkeýi joq almatylyqtar úshin 55 saılaý ýchaskesi ashylady

ALMATY. QazAqparat – Turǵylyqty tirkeýi joq almatylyqtar úshin 20 qarasha kúni 55 daýys berý ýchaskesi jumys isteıdi. Bul týraly Óńirlik kommýnıkatsııalar qyzmetinde ótken brıfıngide Almaty qalasy aýmaqtyq saılaý komıssııasynyń tóraǵasy Janna Asanova aıtty, dep habarlaıdy QazAqparat tilshisi.

Spıkerdiń málimetinshe, zańnamada turǵylyqty jeri boıynsha ýaqytsha nemese turaqty tirkelgen azamattar daýys bere alatyny anyq jazylǵan. Sondyqtan búginge deıin turaqty tirkeýi joq qazaqstandyqtar daýys bere almaı keldi.

«Úkimet qaýlysymen ishki mıgranttardy tirkeý qaǵıdalaryna ózgerister engizildi. Bul azamattardyń saılaý kúni daýys berý ýchaskesine tirkelýine múmkindik beredi. Osylaısha, turǵylyqty tirkeýi joq almatylyqtar men basqa óńirlerdiń turǵyndary 20 qarasha kúni saılaýda daýys bere alady», - dedi Janna Asanova.

Daýys berý úshin saılaý ýchaskesine bir kúnge tirkelýge bolady.

«Kelesi kúni, ıaǵnı 21 qarashada júıe saılaý ýchaskesiniń mekenjaıy boıynsha tirkelgen azamattardy esepten shyǵarady. Almatyda saılaý kúni turǵylyqty tirkeýi joq azamattar úshin 55 daýys berý ýchaskesi jumys isteıdi»,- dedi Almaty qalasy aýmaqtyq saılaý komıssııasynyń tóraǵasy.

Aıta keteıik, megapolıste 1 mıllıon 170 myńnan astam adam daýys berý quqyǵyna ıe.

Turǵylyqty tirkeýi joq almatylyqtar daýys bere alatyn 55 saılaý ýchaskesiniń mekenjaıyn usynamyz.