Turǵyndarmen kezdesýler turaqty, biraq ártúrli formatta ótedi – Almaty ákimi
11:59, 31 Qańtar 2024
<p>ALMATY. KAZINFORM – Almaty ákimi Erbolat Dosaev Almaly aýdanynyń turǵyndaryna, mundaı kezdesýlerdiń júıeli túrde ótetinin jetkizdi.</p>
«Men Almaty turǵyndarymen kezdesý ótkizýdi toqtatqan joqpyn, kezdesý formaty ózgerdi. Ár toqsan saıyn aýdandarǵa baramyn. Jylyna eki ret aýdandarda júzbe-júz kezdesýler bolady jáne ótken jyldyń tórtinshi toqsanyndaǵydaı eki ret tıisti oryndarǵa baryp, naqty máselelerdi sheshemiz. Sondyqtan, ýáde etilgendeı, men ár aýdannyń turǵyndarymen jıi kezdesip otyramyn», - dedi shahar basshysy.
Almaty ákimdiginiń málimetinshe, 2023 jyly Erbolat Dosaev 8 aýdannyń turǵyndarymen 32 kezdesý ótkizdi.