Turǵyn úı-kommýnaldyq sharýashylyǵynyń biryńǵaı platformasy qurylmaq

<p>ASTANA. KAZINFORM - Bul týraly Ortalyq kommýnıkatsııalar qyzmetinde ótken brıfıngte QR Ónerkásip jáne qurylys vıtse-mınıstri Jannat Dúbırova aıtty.</p>

Ónerkásip jáne qurylys mınıstrligi memlekettik qyzmetter men derekterdi tsıfrlandyrýǵa erekshe kóńil bólýde. Qurylys salasynda 22 memlekettik qyzmet bar, onyń 20-sy elektrondy formatta kórsetiledi.

«Bıyl biz turǵyn úı-kommýnaldyq sharýashylyq salasyndaǵy ártúrli kózderden alynǵan derekterdi biriktirýge múmkindik beretin Biryńǵaı turǵyn úı-kommýnaldyq sharýashylyq platformasyn qurý boıynsha jumysty bastadyq», - dedi vıtse-mınıstr.

Bul derekterge mynalar kiredi: kommýnaldyq tólemder úshin Biryńǵaı tólem qujatynyń túbirtekteri, e-PIK/MIB jáne iKOMEK109. Sondaı-aq platforma turǵyn úı ınspektsııasynyń ınjenerlik jelileri men jumys protsesterin ortalyqtandyrylǵan tsıfrlandyrýǵa múmkindik beredi.

Platforma jaqsyraq jáne teńdestirilgen turǵyn úı-kommýnaldyq sharýashylyq saıasatyn qalyptastyrý úshin onlaın formatta derekterdi jınaý úshin qurylýda.

Ónerkásip jáne qurylys mınıstrligi bul salany damytý jumystaryn jalǵastyrýda.